Помнік Якубу Коласу (Мікалаеўшчына)

Помнік Якубу Коласу — помнік у вёсцы Мікалаеўшчыне Стаўпецкага раёну, пастаўлены ў гонар 70-годзьдзя паэта.

Помнік
Помнік Якубу Коласу ў Мікалаеўшчыне
Краіна	Беларусь
Вёска	Мікалаеўшчына
Каардынаты	53°24′12″ пн. ш. 26°50′0″ у. д.
Будаўнік	Аляксей Глебаў
Дата пабудовы	1972 год
Стан	добры
Помнік Якубу Коласу ў Мікалаеўшчыне на мапе Беларусі Помнік Якубу Коласу ў Мікалаеўшчыне

Праект помніка на малой радзіме паэта быў падрыхтаваны ў 1956 годзе і некалькі адрозьніваўся ад канчатковага варыянту скульптуры^[1]. Існы помнік быў пастаўлены ў 1972 годзе перад будынкам Мікалаеўшчынскага сельсавету. Скульптар — Народны мастак БССР Аляксей Глебаў.

Пастамэнт выкананы з бэтону, абліцаванага лабрадарытам, вышыня помніка — 3,6 мэтру, бюст — бронзавы, вышынёй у 1,1 мэтру. Бюст пастаўлены на прамавугольны пастамэнт. У рысах твару падкрэсьлены ўласьцівыя паэту дабрыня, дасьціпнасьць, задушэўнасьць. Прасторавая кампазыцыя помніка вельмі кампактная, вакол яго разьбіты невялікі сквэр^[2]. На памятнай дошцы, прымацаванай да помніка, ёсьць цытата зь вершу Якуба Коласа «Песьняй вітаю я вас», напісанага ў 1936 годзе. Помнік зьяўляецца папулярным месцам адзначэньня сьвятаў, зьвязаных зь Якубам Коласам^[3].