Постімпрэсіянізм

Постімпрэсіянізм (па-француску: postimpressionisme) — кірунак у выяўленчым мастацтве, які ўзьнік у 1880-х гадох. Мастакі гэтага кірунку не прытрымліваліся выключна зрокавых уражаньняў, а прагнулі вольна й абагульнена перадаваць матэрыяльнасьць сьвету, зьвярталіся да дэкаратыўнай стылізацыі. Да выбітных прадстаўнікоў постімпрэсіянізму ў жывапісу ставяцца Вінцэнт ван Гог, Поль Гаген, Поль Сэзан, Анры Тулюз-Лятрэк.

Зорная ноч над Ронаю. Вінцэнт ван Гог

Пачатак постімпрэсіянізму прыпадае на крызіс імпрэсіянізму канца XIX стагодзьдзя. Тады адбылася апошняя выстава імпрэсіяністаў і быў апублікаваны «Маніфэст сымбалізму» (1886) францускага паэта Жана Марэаса. Постімпрэсіяністы, шматлікія зь якіх раней належалі да імпрэсіянізму, пачалі шукаць мэтады выказваньня ня толькі імгненьня, яны сталі асэнсоўваць працягласьць стану навакольнага сьвету.

Для постімпрэсіянізму ўласьцівы розныя творчыя сыстэмы й тэхнічныя сродкі, якія паўплывалі на далейшае разьвіцьцё выяўленчага мастацтва. Працы Ван Гога прадугледжвалі зьяўленьне экспрэсіянізму, Гаген праклаў шлях да сымбалізму й мадэрну.

Паўтоны дзьвюх плыняў

Позьнія творы некаторых прадстаўнікоў францускага імпрэсіянізму, якія жылі й працавалі пасьля апошняй іх выставы ў 1886 годзе, адносяць да постімпрэсіянізму. Але выразнай, ясна вызначанай мяжы 1886 году выраблена не было. Гэта значыць мяжа паміж імпрэсіянізмам і постімпрэсіянізм — невыразная, размытая. І некаторыя творы мастакоў мелі ўсе прыкметы папярэдняй майстэрскай плыні й пасьля 1886 году. Таму ў пералік постімпрэсіяністаў адносяць і былых імпрэсіяністаў, і новыя імёны новага пакаленьня мастакоў.

Прадстаўнікі

• Каміль Пісаро (1830—1903)
• Поль Сэзан (1839—1906)
• Анры Тулюз-Лятрэк (1864—1901)
• Поль Гаген (1848—1903)
• Вінцэнт ван Гог (1853—1890)
• Жорж Сьёра (1859—1891)
• П'ер Банар (1867—1947)
• Марыс Дэні (1870—1943)
• Поль Сэр’юзье (1864—1927)
• Эдуард Вюяр (1868—1940)
• Кер-Ксав’е Русэль (1867—1944)
• Жорж Дюфрэнуа (1870—1943)
• Анры Русо (1844—1910)
• Поль Баўм (1859—1932)
• Поль Сыньяк (1863—1935)

Галерэя

• Поль Сэзан

• 
  Хата павешанага ў Авэрэ, 1873
• 
  Гара Сьвятога Віктора, 1888-1890
• 
  Натурморт з цукарніцаю, 1888-1890
• 
  Гульцы ў карты, 1894-1895

• Поль Гаген

• 
  Бэз, натурморт, 1885
• 
  Малюнкі Гагена, альбом, 1900
• 
  Брэтань. Пэйзаж, 1889
• 
  Ева, 1889

• Вінцэнт ван Гог

• 
  Стары млын, 1888
• 
  Шпіталь у Сэн Рэмі, 1889
• 
  Мастак на пленэры, 1888
• 
  Пеўнікі ў белае вазе, 1890

• Каміль Пісаро

• 
  Гаўр, порт, 1903
• 
  Півоні
• 
  У Норвудзе
• 
  Мост Понт Нэф, Париж, 1902

Глядзіце таксама

• Акадэмізм
• Імпрэсіянізм
• Экспрэсіянізм
• Кубізм