Прамень (таварыства)

«Прамень» — грамадзка-культурная таварыства беларусаў Латвіі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Прамень.

5 кастрычніка 1990 года было створана Таварыства беларускай мовы імя Францішка Скарыны «Прамень», у якое ўвайшлі члены Беларускага культурнага цэнтра «Раніца» і многія члены Беларускага таварыства «Сьвітанак». Зарэгістравана ў 1993 годзе. У складзе таварыства каля 200 таварышаў з Рыгі і яе прыгарада^[1].

Займаецца захаваньнем і папулярызацыяй беларускай культуры, арганізацыяй і правядзеньнем культурных мерапрыемстваў у Латвіі, удзелам у мерапрыемствах Саюза беларусаў Латвіі^[1].

З 1990 года пры таварыстве дзейнічае ансамбаль беларускай народнай песьні «Надзея», якім з 2016 года правіць мастацкі кіраўнік Ларыса Люцько. Творчы калектыў актыўна ўдзельнічае ў розных нацыянальных і міжнародных фэстывалях^[1].

Пры таварыстве таксама дзейнічае Беларускі вакальны ансамбаль супляменнікаў «Вытокі» імя С. Клімава, якім кіруе Рышард Райніс, мастацкі кіраўнік Альбэрт Інжоян^[1].

Са сьнежня 1994 выдае газэту «Прамень»^[2].

Кіраўнікі

• 1990—1992 — Валянціна Кліменка^[1];
• 1992—1996 — Аляксандр Карповіч^[1];
• 1996—2003 — Мікалай Буры^[1];
• 2003—2011 — Валянціна Піскунова^[1];
• З 2011 года — Алена Лазарава^[1].