Каралеўскі двор (Пружаны)

Карале́ўскі двор — драўляны комплекс, які існаваў з XVI стагодзьдзя ў Пружанах. Комплекс не захаваўся, вядомы паводле інвэнтару 1597 р. Уключаў палац, два флігелі, вазоўню, стайню, варыўню, пякарню, чатыры сьвіраны, млын на сажалцы, сад.

Славутасьць
Каралеўскі двор
Краіна	Беларусь
Места	Пружана
Дата заснаваньня	XVI стагодзьдзе
Стан	зьнішчаны

Празь места ў 1708 року прайшлі войскі швэдзкага караля Карла XII, якія зьнішчылі каралеўскі двор і сад (яго аднавілі ў 1738 року).

Архітэктура

Палац уяўляў сабой аднапавярховы крыжовы ў пляне будынак на каменным падмурку, накрыты гонтавым дахам. Пляніроўка анфілядная. Вакол вітальні групаваліся аўстэрыя, пяць жылых пакояў, камора. Галоўны ўваход вылучаўся ґанкам. Вялікія прастакутныя вокны мелі цынавыя рамы. У флігелях, накрытых драніцай, разьмяшчаліся сенцы, жылыя пакоі, каморы. Уезд на падворак быў праз браму пад двухсхільным дахам.

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.