Прэзыдэнцкія выбары ў Францыі 2017 году

Прэзыдэнцкія выбары ў Францыі 2017 году былі праведзеныя ў два туры: першы 23 красавіка^[1], другі — 7 траўня. Яны сталі адзінаццатымі выбарамі прэзыдэнта Пятай францускай рэспублікі. На быў абраны на пяцігадовы тэрмін наступны кіраўнік дзяржавы — прэзыдэнт Францыі. Перамогу ў другім туры атрымаў Эманюэль Макрон. Першасныя партыйныя выбары па вылучэньні кандыдатаў ад асноўных партыяў адбыліся ў Францыі са студзеня па кастрычнік 2016 году. 20 лістапада 2016 году Нікаля Сарказі зьняў сваю кандыдатуру. 1 сьнежня 2016 году Франсуа Алянд абвясьціў аб тым, што не ідзе на другі тэрмін, і зьняў сваю кандыдатуру з выбараў^[2]. Выбары ня будуць праходзіць праз электроннае лічэньне галасоў, а ўсё будуць лічыць уручную^[3]. Галоўная прычына — гэта страх перад Расеяй, якая можа паўплываць на вынік выбараў у Францыі^[4].

← 2012   2022 →
Прэзыдэнцкія выбары ў францыі
7 траўня 2017 г. (2-і тур)
Кандыдат	Эманюэль Макрон	Марын Лё Пэн
Партыя	«Наперад»	«Нацыянальны фронт»
Галасоў выбаршчыкаў	20 703 694	10 637 120
Адсотак	66,06%	33,94%

Спаборы

Франсуа Фіён

Бэнуа Амон

Жан-Люк Мэляншон

Бэнуа Амон ад Сацыялістычнай партыі, да якой належаў дзейны прэзыдэнт Франсуа Алянд ад пачатку не разглядаўся ў якасьці найбольш папулярнага вылучэнца^[5]. Галоўная барацьба разгарнулася паміж Марын Лё Пэн і Эманюэлем Макронам^[6]. У перадвыбарчай праграме Марын Лё Пэн паабяцала паспрыяць вяртаньню франка ў якасьці нацыянальнай валюты замест эўра^[7]. Яшчэ яна падтрымала Расею ў яе захопніцкіх паводзінах да Ўкраіны й далучэньні Крыму^[8]. Франсуа Фіён выбыў на справе з спабораў з-за скандалу. Выявілася, што ён уладкаваў на працу сваю жонку сваім памочнікам, але, насамрэч, яна ніколі не выконвала сваіх абавязкаў^[1]. Іншым выбылым вылучэнцам зь ліку найбольш папулярных стаў Жан-Люк Мэляншон^[9].

Першы тур

Пераможцы па дэпартамэнтах галасаваньня 23 красавіка 2017 у Францыі

     Эманюэль Макрон

     Марын Лё Пэн

     Франсуа Фіён

     Жан-Люк Мэляншон

23 красавіка 2017 году ў 1- галасаваньні кандыдаты на пасаду прэзыдэнта Францыі Эманюэль Макрон і Марын Лё Пэн выйшлі ў 2-і тур галасаваньня. Эманюэль Макрон набраў 24% галасоў, а Марын Лё Пэн — 22%^[10].

Асоба	Грамада	Вынік (чал.)	Вынік (адсотак)
Эманюэль Макрон	Наперад!	8 657 326	24,01 %
Марын Лё Пэн	Нацыяналісты	7 679 493	21,30 %
Франсуа Фіён	Рэспубліканцы	7 213 797	20,01 %
Жан-Люк Мэляншон	Непакорная Францыя	7 060 885	19,58 %
Бэнуа Амон	Сацыялістычная грамада Францыі	2 291 565	6,36 %
Нікаля Дзюпон-Эньян	Уставай, Францыя	1 695 186	4,70 %
Жан Лясаль	Будзем супраціўляцца	435 365	1,21 %
Філіп Путу	Новая антыкапіталістычная грамада	394 582	1,09 %
Франсуа Асэліно	Народны рэспубліканскі саюз	332 558	0,92 %
Наталі Арто	Рабочая барацьба	232 428	0,64 %
Жак Шэмінад	Салідарнасьць і разьвіцьцё	65 598	0,18 %
Усяго выбаршчыкаў		47 581 118	100,0 %
Не галасавала		10 577 572	22,23 %
Галасавала		37 003 546	77,77 %
Пустыя		659 302	1,78 %
Несапраўдныя		285 431	0,77 %
Агулам лічба галасоў		36 058 813	97,45 %
Крыніцы: Канстытуцыйная рада Францыі, МУС Францыі

23 красавіка 2017 году на плошчы Бастыліі ў Парыжы паліцыя разагнала ўдзельнікаў беспарадкаў, якія ламалі агароджы з нагоды незадаволенасьці вынікамі выбараў^[11].

Другі тур

Пераможцы па дэпартамэнтах у другім туры выбараў 2017 у Францыі

     Эманюэль Макрон

     Марын Лё Пэн

7 траўня 2017 году ў выніку 2-га галасаваньня перамог Эманюэль Макрон, які набраў 66,06% галасоў (20 703 694 чал.). Марын Лё Пэн атрымала 33,94% (10 637 120 чал.)^[12].