Франсуа Алянд

Франсуа́ Аля́нд (франц. François Hollande) — францускі палітык (сацыяліст). 24-ы прэзыдэнт Францускай рэспублікі 3 15 траўня 2012 году па 14 траўня 2017 году. Дэпутат Нацыянальнага сходу Францыі (1988—1993; з 1997), мэр гораду Цюль (2001—2008). Прэзыдэнт галоўнай рады дэпартамэнту Карэз з 2008.

Франсуа Алянд
па-француску: François Hollande
24-ы прэзыдэнт Францыі
15 траўня 2012 — 14 траўня 2017
Папярэднік	Нікаля Сарказі
Наступнік	Эмануэль Макрон
Асабістыя зьвесткі
Нарадзіўся	12 жніўня 1954(1954-08-12)[1][2][3][…] (70 гадоў) Руан[4]
Партыя	Сацыялістычная партыя Францыі
Адукацыя	Унівэрсытэт Пантэон-Асас[d] Парыскі інстытут палітычных дасьледаваньняў[d] Найвышэйшая камэрцыйная школа Парыжу (1975)[5] Нацыянальная школа адміністрацыі[d] (1980)[6] Jean-Baptiste-de-La-Salle de Rouen School[d] Ліцэй Пастэра[d]
Сужэнец	жонкі Сэгален Руаяль (1973-2007) Валяры Трыервэйлер (2007-2014), Жулі Гае (з 2014 г.)
Дзеці	сыны: Тама (1984), Жульен (1987) дачкі: Кляманс (1985), Флёра (1992)
Бацька	Жорж Густаў Алянд
Маці	Ніколь Фрэдэрыка Маргарыта Трыбэрт
Узнагароды	Ордэн караля Абдэль Азіза[d] (30 сьнежня 2013) прэмія міру імя Фэлікса Уфуэ-Буаньі[d] (2013) Political Humor Award[d] (2017) Gold Medal of Hellenic Parliament[d] (23 кастрычніка 2015)
Подпіс

Удзельнік прэзыдэнцкіх выбараў у Францыі 2012 ад Сацыялістычнай партыі. Лічыўся галоўным канкурэнтам дзейнага прэзыдэнта Нікаля Сарказі. У першым туры атрымаў 28,63% галасоў, заняўшы першае месца і прайшоўшы ў другі тур з Сарказі. Атрымаў перамогу над Сарказі ў другім туры 6 траўня 2012 году, стаўшы такім чынам 24-м прэзыдэнтам Францыі. У 2-м туры яўка выбарцаў склала 80,34%. Паводле Міністэрства ўнутраных справаў Францыі, Алянд атрымаў 51,62% галасоў, Сарказі — 48,38%^[7].

Ад удзелу ў выбарах на пасаду кіраўніка дзяржавы ў 2017 годзе адмовіўся з-за нізкага ўзроўню падтрымкі выбаршчыкаў. У выбарах 2017 году падтрымаў Эмануэля Макрона.

Замежная палітыка

21 траўня 2012 г. на саміце Арганізацыі Паўночнаатлянтычнай дамовы (НАТО) ў Чыкага (ЗША) абвясьціў пра пачатак вываду францускага войска з Аўганістану^[7], што знаходзілася ў складзе Міжнародных сілаў садзейнічаньня бясьпецы. У студзені 2013 г. накіраваў францускае войска ў Малі супраць Руху за адзінства і джыхад у Заходняй Афрыцы. У сьнежні 2013 г. разьмясьціў 1000 францускіх жаўнераў у Цэнтральна-Афрыканскай Рэспубліцы, дзе са сьнежня 2012 г. ішла грамадзянская вайна.