Пуціска

Пуціска — рака ў Беларусі, правы прыток ракі Нявішы (басэйн Нёману). Цячэ ў Шчучынскім раёне Гарадзенскай вобласьці. Даўжыня 15 км. Плошча вадазбору 104 км². Сярэдні нахіл воднай паверхні 1,6‰^[1].

Рака

Пуціска
Агульныя зьвесткі
Выток	каля в. Табалічаў
Вусьце	Нявіша
Краіны басэйну	Беларусь
Вобласьці	Гарадзенская вобласьць
Даўжыня	15 км

Асноўны прыток — рака Зеняпішка (левы). На рацэ стаіць гістарычнае мястэчка Сабакінцы.

Пачынаецца каля вёскі Табалічаў, цячэ паўночнай ускраінай Лідзкай раўніны, упадае ў Нявішу на паўднёвы ўсход ад вёскі Краснага. На працягу 2,5 км на захад ад вёскі Сабакінцаў да вёскі Замасьцянаў цячэ новым рэчышчам. Рэчышча ў ніжняй плыні каналізаванае. Каля Сабакінцаў на рацэ сажалка.