Нявіша

Нявіша — рака ў Беларусі, левы прыток ракі Котры (басэйн Нёману). Цячэ ў Шчучынскім раёне Гарадзенскай вобласьці. Даўжыня 39 км. Плошча вадазбору 328 км². Сярэдні нахіл воднай паверхні 0,8‰. Выдатак вады ў вусьці каля 2,2 м³/с.

Рака

Нявіша
Агульныя зьвесткі
Выток	каля в. Табалічаў
Вусьце	Котра
Краіны басэйну	Беларусь
Вобласьці	Шчучынскі раён
Даўжыня	39 км
Галерэя здымкаў у Вікісховішчы

Асноўныя прытокі

• Левыя: Дунай, Навадворка
• Правыя: Громчак, Пуціска

Агульныя зьвесткі

Пачынаецца за 1,5 км на паўночны ўсход ад вёскі Мякішаў, цячэ ў межах Лідзкай раўніны, упадае ў Котру за 2 км на ўсход ад вёскі Арловай Гары. Даліна ў верхняй плыні невыразная, ніжэй трапэцападобная, шырынёй 500—600 м, у ніжняй плыні перасечаная старыцамі. Абалона двухбаковая, лугавая. Берагі нізкія, у нізоўі пад хмызьняком. Рэчышча ад вытоку да вёскі Пілаўні каналізаванае шырынёй 1,5—6 м, на астатнім працягу зьвілістае, шырынёй 5—10 м^[1].