Піна

Пі́на — рака ў Беларусі, левая прытока Прыпяці. Цячэ ў Янаўскім і Пінскім раёнах Берасьцейскае вобласьці. Даўжыня 40 км. Плошча вадазбору 2460 км². Выдатак вады ў вусьці 8,6 м³/с. Сярэдні нахіл воднай паверхні 0,01%.

Рака

Піна лац. Pina
Піна, краявід зь Пінскага моста
Агульныя зьвесткі
Выток	каля вёскі Пераруб Янаўскага раёну
Вусьце	у межах Пінску
Краіны басэйну	Беларусь
Вобласьці	Берасьцейская вобласьць
Даўжыня	40 км
Сярэднегадавы сьцёк	8,6 м³/с
Плошча басэйну	2460 км²
Нахіл воднай паверхні	0,01 ‰
Галерэя здымкаў у Вікісховішчы

Асноўныя прытокі

• Правыя: канава Выценская, канава Таўкачыха, канава Кобельская, канава каля вёскі Хамічава
• Левыя: Струга, Няслуха, Піліпаўка

На рацэ

• Места: Пінск (порт)

Назва

Паходжаньне гідроніму Піна — спрэчнае пытаньне. Паводле адной вэрсіі, называць раку сталі ад пены (укр. піна), якая на ёй плавала. Паводле іншай вэрсіі — ад лац. pinus — 'хвоя', бо хвоі расьлі на ўзьбярэжжы ракі.

Агульныя зьвесткі

Пачынаецца каля вёскі Перарубу Янаўскага раёну (паводле меркаваньня некаторых дасьледнікаў, каля в. Дубае Пінскага раёну^[1]), вусьце ў межах Пінску. Цячэ нізінай Прыпяцкім Палесьсем.

Даліна невыразная, зьліваецца з прылеглай мясцовасьцю. Рэчышча слабазьвілістае, шырынёй 30—40 м. У выніку каналізацыі лукавіны выпрастаныя, рэчышча паглыбленае на перакатах.

Воднасьць ракі падтрымліваецца перакідам часткі сьцёку з Прыпяці праз сыстэму Выжаўскага і Белаазерскага каналаў. Піна зьяўляецца часткаю Дняпроўска-Бужанскага каналу^[2].