РКК Ваальвэйк

нідэрляндзкі футбольны клюб From Wikipedia, the free encyclopedia

РКК Ваальвэйк
Remove ads

РКК Ваальвэйк (па-нідэрляндзку: RKC Waalwijk) — нідэрляндзкі футбольны клюб з гораду Ваальвэйку. Заснаваны ў 1940 годзе ў выніку зьліцьця адразу трох клюбаў. Абрэвіятура зь нідэрляндзкае мовы перакладаецца як «Рымска-каталіцкі зьвяз Ваальвэйку». Клюбнымі колерамі ёсьць жоўты і сіні.

Хуткія факты Поўная назва, Заснаваны ...
Remove ads

Гісторыя

Клюб быў утвораны 26 жніўня 1940 году. Свае хатнія матчы клюб ладзіў на стадыёне Спортпарк Алімпія. Новы стадыён Мандэмакерс на 7500 месцаў быў пабудаваны і адкрыты ў 1996 годзе. Першы матч на абноўленай арэне быў згуляны супраць «Роды». Ад пачатку назва клюбу ўлучала толькі абрэвіятуру РКК, але перад пачаткам сэзону 1996—1997 гадоў да яе дадалася яшчэ і назва гораду, то бок клюб атрымаў канчатковую назву «РКК Ваальвэйк». Не зважаючы на тое, што клюб лічыцца адным з найменшых клюбаў Эрэдывізіі, ён доўгія годы падтрымлівае свой статус даволі пасьпяховага клюбу.

Thumb
Ля стадыёну Мандэмакерс.

Напрыканцы сэзону 2006—2007 гадоў «РКК Ваальвэйк» страціў сваё месца ў Эрэдывізіі пасля паразы ў плэй-оф супраць «ВВВ-Вэнлё». 3 чэрвеня 2009 году клюб павярнуўся ў найвышэйшы дывізіён пасьля перамогі ў плэй-оф у матчы супраць «Дэ Граафсхапу». Але знаходжаньне вакол наймацнейшых клюбаў было нядоўгім, клюб ня здолеў даць рады і з 15 пунктамі скончыў першынство на апошнім месцы. Ужо праз год ваальвэйкцы здабылі перамогу ў Ээрстэ дывізіі і вярнуліся ў элітны дывізіён.

Пасьля чарговага вылету з Эрэдывізіі паводле вынікаў сэзону 2013—2014 гадоў «РКК Ваальвэйк» фінішаваў на апошнім 20 месьце і лігай ніжэй. Клюб мусіў сысьці ў аматарскую лігу, але абодва чэмпіёны аматарскіх чэмпіянатаў адмовіліся пераходзіць у прафэсійны футбол. У сэзоне 2016—2017 гадоў дружына дасягнула плэй-оф за прасоўваньне ў Эрэдывізію, але прагуляла «Эмэну». У сэзоне 2017—2018 гадоў клюб фінішаваў толькі 16-м пры 20 удзельніках. У 2019 годзе «РКК Ваальвэйк», нарэшце, прасунуўся ў Эрэдывізію па пяці гадам адсутнасьці. Клюб у плэй-оф здолеў выгуляць «Гоў Эгэд Іглз». Пасьля нічыйнага матчу 0:0 на хатнім стадыёне, ужо ў гасьцёх клюб вырваў перамогу зь лікам 4:5[2].

У сэзоне 2019—2020 гадоў «РКК Ваальвэйк» заняў апошняе месца ў найвышэйшым дывізіёне, але захаваў сваё месца ў лізе, бо розыгрыш быў скончаны заўчасна праз пандэмію каранавіруснай інфэкцыі[3]. У наступным сэзоне 2020—2021 гадоў ваальвэйкцы такасама здолелі захаваць месца ў эліце, фінішаваўшы на 15 радку[4].

Remove ads

Крыніцы

Вонкавыя спасылкі

Loading related searches...

Wikiwand - on

Seamless Wikipedia browsing. On steroids.

Remove ads