Радрыга Палясіё

Радры́га Сэба́стыян Паля́сіё (па-гішпанску: Rodrigo Sebastián Palacio; нар. 5 лютага 1982 году, Баія-Блянка, Аргентына) — былы аргентынскі футбаліст. Гулец нацыянальнай зборнай Аргентыны. Паводле амплюа гуляў на пазыцыі нападніка.

Радрыга Палясіё
Пэрсанальная інфармацыя
Нарадзіўся	5 лютага 1982(1982-02-05)[1][2][3][…] (43 гады) Баія-Блянка, Буэнас-Айрэс, Аргентына
Рост	175 см
Вага	70 кг
Пазыцыя	нападнік
Клюбы
Гады	Клюб	Гульні (галы)¹
2002—2003	Уракан Трэс-Арояс[d]	53 (15)
2003—2004	Банфільд[d]	36 (9)
2005—2009	Бока Хуніёрс	131 (54)
2009—2012	Джэноа	90 (35)
2012—2017	Інтэрнацыянале	140 (39)
2017—2021	Балёньня	127 (19)
2021—2022	Брэшыя	30 (6)
Зборныя
2005—2014	Аргентына	27 (3)

Кар’ера

Аргентынскія выступы

У раньнія гады Рыдрыга займаўся футболам у клюбе свайго роднага гораду «Ўракан», пасьля чаго некаторы час правёў у складзе «Банфільду». У 2005 годзе Палясіё быў набыты адным з наймацнейшых клюбаў Аргентыны, «Бокай Хуніёрс», зь якім дамогся мноства тытулаў як у нацыянальным чэмпіянаце, гэтак і ў міжнародных спаборніцтвах.

«Джэноа»

У ліпені 2009 году Радрыга падпісаў чатырохгадовы кантракт з італьянскім клюбам «Джэноа», які заплаціў за ягоны пераход 5 млн даляраў^[4]. 23 жніўня 2009 году нападнік дэбютаваў у Сэрыі А сэзону 2009—2010 гадоў, выйшаўшы на замену ў пачатку другога тайму матчу супраць «Ромы» (3:2)^[5].

«Інтэрнацыянале»

22 траўня 2012 году прэзыдэнт «Джэноа» Энрыка Прэцыёзі пацьвердзіў, што Палясіё стане гульцом «Інтэрнацыянале», пачынаючы з сэзону 2012—2013 гадоў^[6].

Міжнародная кар’ера

Выступы Палясіё за «Боку Хуніёрс» прыцягнулі ўвагу трэнэра нацыянальнай зборнай Аргентыны Хасэ Пэкермана, які вызваў гульца ў склад каманды. Дэбют Радрыга адбыўся 9 сакавіка 2005 году ў матчы супраць зборнай Мэксыкі, які скончыўся ўнічыю зь лікам 1:1.

Дасягненьні

«Бока Хуніёрс»:

• Чэмпіён Аргентыны: 2005(а), 2006(к), 2008(а)
• Пераможца Рэкопы: 2005, 2006, 2008
• Уладальнік Паўднёваамэрыканскага кубка: 2005
• Уладальнік Кубка Лібэртадорэс: 2007

Аргентына:

• Срэбраны прызэр Кубка Амэрыкі: 2007