Расейска-Азіяцкі банк (Гомель)

Расейска-Азіяцкі банк — помнік архітэктуры пачатку XX ст. у Гомлі. Знаходзіцца на рагу гістарычных Прабойнай і Барона Нолькена вуліцаў^[a]. Твор архітэктуры нэаклясыцызму. Цяпер тут месьціцца Галоўная ўправа Нацыянальнага банку Беларусі ў Гомельскай вобласьці.

Помнік грамадзянскай архітэктуры
Расейска-Азіяцкі банк
Расейска-Азіяцкі банк
Краіна	Беларусь
Места	Гомель
Каардынаты	52°25′37″ пн. ш. 31°00′51″ у. д.
Архітэктурны стыль	нэаклясыцызм
Аўтар праекту	Оскар Рудольфавіч Мунц[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Расейска-Азіяцкі банк на мапе Беларусі Расейска-Азіяцкі банк
Расейска-Азіяцкі банк на Вікісховішчы

Гісторыя

У 1903 годзе ў Гомлі адкрылася камісіянэрства Паўночнага банку, пераўтворанае праз год у аддзел. 30 ліпеня 1910 году празь зьліцьцё Паўночнага і Расейска-Кітайскага банку ўтварыўся Расейскай-Азіяцкі банк. У 1910—1912 гадох дзеля яго збудавалі мураваны будынак паводле праекту архітэктара Оскара Мунца.

Архітэктура

Помнік архітэктуры нэаклясыцызму. Гэта 2-павярховы Г-падобны ў пляне будынак. Скругленая кутняя частка вылучаецца цыліндрычнай вежай з купалам. Фасады падзяляюцца карнізным пасам на два ярусы, ніжні апрацоўваецца рустам. На роўніцы сьценаў — тонкія ліштвы, маскароны, гірлянды. На вежы, абапал круглага дахавага акна — алегарычныя выявы бога-заступніка гандлю Мэркурыя і жаночай фігуры ў антычным адзеньні.

Унутраны плян першага паверха анфілядны, другога — калідорны^[1].

Галерэя

Гістарычныя здымкі

• Старыя здымкі
• 
  1917 г.
• 
  1918 г.
• 
  1931 г.
• 
  1941 г.

Сучасныя здымкі

• Сучасны стан
• 
  Агульны выгляд
• 
  З боку гістарычнай Прабойнай вуліцы
• 
  З боку гістарычнай вуліцы Барона Нолькена
• 
  Фрагмэнт

Заўвагі

1. Цяперашні афіцыйны адрас — вуліца Савецкая 9 або вуліца Ланге, 14