Расьнянскі сельсавет

Расьня́нскі сельсавет^[1] (таксама — Ра́сьненскі сельсавет^[2][3]) — адміністрацыйна-тэрытарыяльная адзінка ў складзе Камянецкага раёну Берасьцейскай вобласьці. Адміністрацыйны цэнтар — вёска Расна.

Ня варта блытаць з Расьненскі сельсавет.

Расьнянскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Расна
Дата ўтварэньня	12 кастрычніка 1940
Насельніцтва	▼2491 чал. (2019)
Месцазнаходжаньне
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

12 кастрычніка 1940 году створаны ў складзе Высокаўскага (з 17 красавіка 1962 году — Камянецкага) раёну Берасьцейскай вобласьці БССР з цэнтрам у вёсцы Старая Расна^[4].

16 ліпеня 1954 году да сельсавету далучаная тэрыторыя скасаванага Ваўковіцкага сельсавету^[5].

На 1 жніўня 1979 году адміністрацыйны цэнтар знаходзіўся ў вёсцы Расна (аб’яднаныя вёскі Новая Расна і Старая Расна)^[6]. Па іншым зьвесткам 5 сакавіка 1981 году адбылося аб’яднаньне вёсак Новая Расна і Старая Расна, вёска атрымала назву Новае Расна і стала цэнтрам сельсавету^[7]. Паводле даведнікаў «Адміністрацыйна-тэрытарыяльны падзел Беларускай ССР» у пэрыяд з 1 студзеня 1974 году да 1 студзеня 1986 году адміністрацыйны цэнтар сельсавету знаходзіўся ў вёсцы Новая Расна. Паводле Памяці Камянецкага раёну да 1996 году вёска Новая Расна была перайменаваная ў Расну^[8]. У пэрыяд з 1 студзеня 1986 году да 11 ліпеня 1996 году цэнтар сельсавету перанесены ў вёску Абяроўшчына, 26 красавіка 2013 году — у вёску Расна^[9].

20 сьнежня 2013 году сельсавет перайменаваны на расейскай мове (Рясненский → Ряснянский)^[10].

Насельніцтва

Насельніцтва сельсавету паводле перапісу 2009 году — 2985 чалавек^[11], зь іх 82,2 % — беларусы, 8,5 % — украінцы, 7,6 % — расейцы^[12].

Населеныя пункты

• 1 студзеня 1947 году — 11^[13]
• 1 студзеня 1974 году — 16^[14]
• 1 жніўня 1979 году — 17^[6]
• 1 студзеня 1981 году — 15^[15]
• 1 студзеня 1986 году — 15^[16]