Робэрт Аспрын

Робэрт Лін Аспрын (па-ангельску: Robert Lynn Asprin; 28 чэрвеня 1946 — 22 траўня 2008) — амэрыканскі пісьменьнік-фантаст. Вядомы большасьці чытачоў як аўтар сэрыі кніг «MythAdventures» («Мітычныя Прыгоды», амафанічна misadventures — няшчасныя выпадкі) — яркі ўзор гумарыстычнага і займальнага фэнтэзі.

Робэрт Аспрын
Robert Asprin
Асабістыя зьвесткі
Імя пры нараджэньні	Робэрт Лін Аспрын
Нарадзіўся	28 чэрвеня 1946 Сэнт Джонс, Мічыган
Памёр	22 траўня 2008 (61 год) Новы Арлеан, Луізіяна
Сужэнец	Лін Абі[d][1]
Літаратурная дзейнасьць
Род дзейнасьці	навэліст, пісьменьнік, пісьменьнік навуковай фантастыкі
Гады творчасьці	1977—1988
Кірунак	навуковая фантастыка, фэнтэзі
Жанр	фэнтэзі
Мова	амэрыканскі варыянт ангельскай мовы[d]
Узнагароды	прэмія «Інкпот»[d] (1988) Locus Award for Best Anthology[d] (1982)
Робэрт Аспрын у Вікісховішчы

Біяграфія

Робэрт Аспрын нарадзіўся ў 1946 годзе ў горадзе Сэнт-Джонс, штат Мічыган.

• 1964—1965 — наведваў Унівэрсытэт Мічыгана ў Эн Арбар, штат Мічыган.
• 1965—1966 — служыў у войску ЗША.

Першы раман Аспрына — «Халодныя фінансавыя войны», пашыраная вэрсія раньняга аповяду з тым жа назовам, быў выдадзены ў 1977 годзе.

У наступныя некалькі гадоў ён працаваў (разам са сваёй будучай жонкай, Лін Эбі) над сэрыяй «Сьвет злодзеяў» як аўтар і рэдактар. Магчыма, гэта быў першы праект, калі адразу некалькі аўтараў пісалі аб адным сьвеце. Па меры пашырэньня сэрыі Аспрын страціў кантроль над шматлікімі аўтарамі, і сэрыя скончылася анархіяй. У 2002 годзе Лін Эбі адрадзіла сэрыю раманам «Санктуарый». Сэрыя графічных раманаў выдавалася ў сярэдзіне 1980-х гг., і некалькі аўтараў, сярод якіх былі вядомыя Эндру Офут, Джанэт Морыс і Дэвід Дрэйк, выдавалі раманы аб сваіх пэрсанажах.

Таксама ў 1979 годзе Аспрын пачаў цыкл пацешных прыгодаў Сківа і Ааза ў сэрыі «Міты». У ёй распавядалася аб дэмане, які пазбавіўся сваіх сіл, і яго няўмелым вучне-чалавеку, аб іх вандроўках у розных мірах у пошуках багацьця і славы. Сэрыя «Міты» поўная гумару. Некаторыя раньнія раманы «Мітаў» былі адаптаваныя пад коміксы Філа Фоліо і іншых. Раманы сэрыі «Шут» аб баявым касьмічным падразьдзяленьні, якія выйшлі ў 1990-х шмат у чым нагадваюць прыгоды Сківа і Ааза.

З-за шэрагу асабістых і фінансавых праблем Аспрын прыпыніў выдавацца ў 1990-х. Калі гэтыя праблемы былі вырашаныя, у канцы 1990-х і пачатку 2000-х ён выдаў некалькі раманаў у суаўтарстве з аўтарам Піцерам Хэкам, Джодзі Лін Най і Ліндай Эванс. Раманы былі працягамі сэрыяў «Міты» і «Шут», а таксама новыя пачаткам новых сэрыяў.

Аспрын памёр 22 траўня 2008 году ў сваёй хаце ў Новым Арлеане, штат Люізіяна, ЗША.