Ройтэрз

«Ро́йтэрз»^[3][4] — брытанскае інфармацыйнае агенцтва, заснаванае Паўлем Ройтэрам у 1851 годзе.

«Ройтэрз»
анг. Reuters
Тып	падразьдзяленьне
Заснаваная	кастрычнік 1851
Заснавальнікі	Паўль Ройтэр (нар. Ізраіль Ёзафат)
Уласьнікі	Томсан Ройтэрз[d]
Краіна	Вялікабрытанія
Разьмяшчэньне	Ангельшчына
Адрас	графства Вялікі Лёндан, акруга Таўэр-Хамлетс, квартал Канэры-Ўорф, Канадзкая плошча, д. 5[1]
Ключавыя фігуры	Пол Баскобэрт (старшыня), Алесандра Гальлёні (галоўная рэдактарка)[2]
Галіна	сфэра паслугаў
Прадукцыя	навіны
Абарачэньне	$372 млн (2012)
Лік супрацоўнікаў	2500 чал.
Матчына кампанія	«Томсан Ройтэрз» (ЗША)
Даччыныя кампаніі	Reuters TV[d]
reuters.com
«Ройтэрз» у Вікісховішчы

У асноўным спэцыялізуецца на зьбіраньні й распаўсюдзе фінансавай інфармацыі з сусьветных фондавых біржаў. Зь 2008 г. у выніку продажу ўваходзіць у склад амэрыканскага прадпрыемства «Томсан Ройтэрз». Карэспандэнтам у Беларусі зьяўляецца Андрэй Махоўскі^[5].

Мінуўшчына

У 1858 г. Паўль Ройтэр адчыніў прадстаўніцтвы ў краінах мацерыковай Эўропы. У 1923-ым «Ройтэрз» пачаў выкарыстоўваць радыё для перадачы навінаў празь межы і адначасна запусьціў службу цэнавых катыровак і валютных курсаў на доўгіх хвалях. З 1964 пачалася перадача рынкавых катыровак пры дапамозе кампутара. У 1973 «Ройтэрз» запусьціў электронны рынак валюты. У 1981 упершыню ў сьвеце ўвёў заключэньне валютных дамоваў празь відэатэрміналы. У 1985 запусьціў церазьмежныя фотанавіны. У 1992 — першую міжнародную кампутарную службу валютных курсаў. У 1994 пачаў наўпроставае тэлевяшчаньне ваганьняў рынка на гандлёвых экранах.