Роні Джэймз Дыё

Роні Джэймз Дыё (анг. Ronnie James Dio, сапр. імя Рональд Джэймз Падавона, анг. Ronald James Padavona; 10 ліпеня 1942 — 16 траўня 2010) — амэрыканскі гэві-мэтал вакаліст і аўтар песень. Ён выступаў у складзе гуртоў Elf, Rainbow, Black Sabbath, Heaven & Hell, а таксама ва ўласным гурце Dio. Узгадваецца як адзін з найбольш моцных гэві-мэтал сьпевакоў: за свой вакал і папулярызацыю казьліных рагоў^[2]. Апошнім часам Дыё працаваў разам з былымі ўдзельнікамі Black Sabbath Томі Аёмі, Гізэрам Батлерам і Віні Апічэ над новым праектам Heaven & Hell, першы альбом якога, The Devil You Know, выйшаў 28 красавіка 2009 году.^[3]

Роні Джэймз Дыё
Ronald James Padavona
Дыё на IronFest у 2005 годзе
Дата нараджэньня	10 ліпеня 1942
Месца нараджэньня	Портсмут, Нью-Гэмпшыр, ЗША
Дата сьмерці	16 траўня 2010 (67 гадоў)
Месца сьмерці	Г’юстан, Тэхас, ЗША
Прычына сьмерці	Рак страўніка[1]
Месца пахаваньня	мэмарыяльны парк «Форэст-Лоўн»[d]
Прафэсія	музыка, прадусар
Гады дзейнасьці	1957—2010
Псэўданімы	Ronnie James Dio
Сябра ў	Dio[d], Rainbow, Black Sabbath, Heaven & Hell[d] і Elf[d]
Жанры	гэві-мэтал, гард-рок, блюз-рок
Вакал	тэнар[d]
Інструмэнты	сьпевы, бас, клявішы, труба
Псэўданімы	Ronnie James Dio
Гурты	Elf, Rainbow, Black Sabbath, Dio, Heaven & Hell
Дзеці	Dan Padavona[d]
Сайт	ronniejamesdio.com
Роні Джэймз Дыё ў Вікісховішчы

Хвароба і сьмерць

25 лістапада 2009 году жонка і мэнэджар, Ўэндзі Дыё, абвясьціла, што Дыё хворы на рак страўніка.^[4] 4 траўня 2010 году Heaven & Hell абвясьціў пра скасаваньне ўсіх летніх канцэртаў з-за кепскага стану Дыё.^[5] А 7:45 (па цэнтральным паўночна-амэрыканскім часе) 16 траўня 2010 году Роні Джэймз Дыё сканаў, паводле паведамленьня ягонай жонкі.^[6][7]