Рон Вляар

Рон Вляар (па-нідэрляндзку: Ron Vlaar; нар. 16 лютага 1985 году, Гэнсбрук, Нідэрлянды) — былы нідэрляндзкі футбаліст, абаронца. Гулец нацыянальнай зборнай Нідэрляндаў.

Рон Вляар
Пэрсанальная інфармацыя
Нарадзіўся	16 лютага 1985(1985-02-16)[1][2][3] (40 гадоў) Гэнсбрук[d], Obdam[d], Паўночная Галяндыя, Нідэрлянды
Рост	189 см
Вага	82 кг
Пазыцыя	цэнтральны абаронца
Клюбы
Гады	Клюб	Гульні (галы)¹
2004—2006	АЗ Алькмаар	10 (0)
2006—2012	Фэеноорд	136 (8)
2012—2015	Астан Віла	79 (2)
2015—2021	АЗ Алькмаар	91 (5)
Зборныя
2004	Нідэрлянды (да 19)[d]	4 (0)
2005—2007	Нідэрлянды (да 21)[d]	15 (0)
2005—2014	Нідэрлянды	32 (1)

Кар’ера

Клюбная

Рон займаўся ў футбольных школах шэрагу невялічкіх клюбаў. У 1996 годзе ён далучыўся да акадэміі АЗ. Нечаканы дэбют гульца за асноўную каманду адбыўся ў сэзоне 2004—2005 гадоў, калі праз траўмы шэрагу футбалістаў, маладому абаронцы было даверана месца ў складзе. У наступным Вляар атрымліваў няшмат гульнявога часу, аднак лічыўся адным з пэрспэктыўных футбалістаў.

28 сьнежня 2005 году Рон падпісаў кантракт з клюбам «Фэеноорд» на 3,5 году^[4]. У новым клюбе абаронца хутка стаў гульцом асноўнага складу, дэбютаваўшы 15 студзеня 2006 году ў матчы супраць «Вітэсу» (0:1)^[5].

1 жніўня 2012 году Вляар далучыўся да складу ангельскай «Астан Вілы», падпісаўшы з клюбам трохгадовую дамову^[6].

Міжнародная

Дэбютаваў у зборнай Нідэрляндаў 8 кастрычніка 2005 году ў матчы супраць зборнай Чэхіі.

Дасягненьні

«Фэеноорд»:

• Уладальнік Кубка Нідэрляндаў: 2008