Роўэн Вайн

Роўэн Льюіс Вайн (па-ангельску: Rowan Lewis Vine; нар. 21 верасьня 1982 году, Бэйзынгсток, Ангельшчына) — ангельскі футбаліст, нападнік.

Роўэн Вайн
Пэрсанальная інфармацыя
Нарадзіўся	21 верасьня 1982(1982-09-21)[1] (42 гады) або 21 верасьня 1983(1983-09-21)[2] (41 год) Бэйзынгсток[d], Гэмпшыр[d], Гэмпшыр, Вялікабрытанія
Рост	185 см
Пазыцыя	нападнік
Клюбы
Гады	Клюб	Гульні (галы)¹
2000—2005	Портсмут	13 (0)
2002—2003	→ Брэнтфард	42 (10)
2003—2004	→ Колчэстэр Юнайтэд[d]	35 (6)
2004—2005	→ Лутан Таўн	45 (9)
2005—2007	Лутан Таўн	57 (22)
2007—2008	Бірмінггэм Сіці	17 (1)
2007—2008	→ Кўінз Парк Рэйнджарз	18 (4)
2008—2012	Кўінз Парк Рэйнджарз	51 (5)
2010	→ Гал Сіці	5 (0)
2010	→ Брэнтфард	0 (0)
2011	→ Мілтан Кінз Донз[d]	17 (1)
2011	→ Эксэтэр Сіці[d]	5 (0)
2012	→ Джылінггэм[d]	9 (1)
2012—2013	Сэнт-Джонстан	35 (7)
2013—2014	Гібэрніян	10 (0)
2014	Грынак Мортан	12 (4)
2015	Ўэлінг Юнайтэд[d]	2 (1)
2015	Гавант энд Ўотэрлувіл[d]	0 (0)
2015	Госпарт Бора[d]	7 (3)
2015—2016	Бэйзынгсток Таўн[d]	6 (1)
2017	Госпарт Бора[d]	3 (0)
2017	Саўтгал[d]	10 (4)
2017	Гайз энд Ідынг[d]	5 (1)
2017—2018	Гартлі-Ўінтні[d]	15 (9)
2018	Госпарт Бора[d]	11 (3)
2018	Олзфард Таўн[d]
2018	Гартлі-Ўінтні[d]	6 (2)
2018—2019	Саўтгал[d]	8 (3)
2019	Маніфілдс[d]
2019	Тадлі Калева[d]
2020—2021	Гэмэл Гэмпстэд Таўн[d]

Кар’ера

Вайн пачаў сваю кар’еру ў клюбе «Портсмут», гуляючы за моладзевую каманду клюбу. Дэбютаваў у складзе каманды ў сьнежні 2000 году ў матчы супраць «Шэфілд Юнайтэд», якая скончылася безвынікова — 0:0^[3]. Роўэн спрабаваў зачапіцца за асноўны склад, але ў сэзоне 2002—2003 гадоў быў адпраўлены ў арэнду ў клюб «Брэнтфард», дзеля падвышэньня сваіх навыкаў. У новым клюбе Вайн правёў уражлівы сэзон, але нягледзячы на гэта ён зноўку быў аддадзены ў арэнду, на гэты раз у «Колчэстэр Юнайтэд».

Трэці год запар Вайн правёў увесь сэзон на правах арэнды, наступным клюбам стаў «Лутан Таўн» у сэзоне 2004—2005 гадоў^[3][4]. Дзевяць галоў Вайна за клюб дапамаглі «Лутан Таўну» зацьвердзіцца ў Лізе 1. Пасьля сэзону Лутан выкупіў правы на гульца, як мяркуецца, за 250 тысяч фунтаў^[5].

11 студзеня 2007 году за 2,5 млн фунтаў стэрлінгаў Вайн перайшоў у табар клюбу «Бірмінггэм Сіці», аднак сума дамовы пазьней узрасла да 3 млн, дзякуючы таму, што «Бірмінггэм» атрымаў прасоўваньне ў Прэм’ер-лігу ў канцы сэзону^[6]. За новы клюб Вайн адзначыўся толькі аднойчы, то бок у гульні супраць «Дэрбі Каўнці», якая скончылася зь лікам 1:0^[3][7].

Пасьля «Бірмінггэм Сіці» Вайн выступаў за «Кўінз Парк Рэйнджарз», шмат часу праводзячы ў арэндах у розным ангельскіх клюбах. 31 ліпеня 2012 году Роўэн падпісаў кантракт з клюбам шатляндзкай Прэм’ер-лігі «Сэнт-Джонстан», дзе раней быў на праглядзе^[8]. На наступны сэзон 12 ліпеня 2013 году Вайн падпісаў аднагадовы кантракт з «Гібэрніянам», да якога далучыўся разам са сваім партнэрам па камандзе Лаямам Крэйгам^[9].

Падчас закрыцьця трансфэрнага вакна ў студзені 2014 году Вайн быў падпісаны клюбам «Грынак Мортан»^[10]. Аднак, ужо ўлетку таго ж году Роўэн сышоў з клюбу.