Рэфрэн

Рэфрэ́н (па-француску: refrain — паўтараць) — радок ці некалькі вершаваных радкоў, якія паўтараюцца ў нязьменным або некалькі зьмененым выглядзе праз пэўную колькасьць строфаў верша. Так, у «Песьні вольнага чалавека» Я. Купалы кожнаму катрэну спадарожнічае рэфрэн:

Душой я вольны чалавек,

І гэткім буду цэлы век!

У рэфрэны звычайна заключаная галоўная думка твора. Паўтараючыся, рэфрэн садзейнічае ўсьведамленьню гэтай думкі чытачом (слухачом) твора.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4