Самір Ханданавіч

Самір Ханданавіч (па-славенску: Samir Handanovič; нарадзіўся 14 ліпеня 1984 году, Любляна, СФРЮ) — колішні славенскі футбаліст, брамнік. Доўгі час абараняў колеры італьянскага клюбу «Інтэрнацыянале» і нацыянальнай зборнай Славеніі.

Самір Ханданавіч
Пэрсанальная інфармацыя
Нарадзіўся	14 ліпеня 1984(1984-07-14)[1][2][3] (41 год) Любляна, Сацыялістычная рэспубліка Славеніі[d], СФРЮ
Рост	193 см[4]
Вага	89 кг[4]
Пазыцыя	брамнік
Клюбы
Гады	Клюб	Гульні (галы)¹
2003—2004 2004—2012 2005 2006 2006—2007 2012—2023	Дамжале Удынэзэ → Трэвіза (арэнда) → Ляцыё (арэнда) → Рыміні (арэнда) Інтэрнацыянале	7 (0) 182 (0) 3 (0) 1 (0) 39 (0) 380 (0)
Зборныя
2004—2015	Славенія	81 (0)

Кар’ера

Клюбная

Ханданавіч зьяўляецца выхаванцам славенскага клюбу «Дамжале», але за родны клюб ён амаль не гуляў. У 2004 годзе ён быў набыты «Ўдынэзэ», у якасьці дублёра для Моргана Дэ Санктыса й доўга аддаваўся ў арэнду. У 2006 годзе ён добра праявіў сябе, гуляючы за «Рыміні». У 2007 годзе Ханданавіч вярнуўся ва «Ўдынэзэ», але ўжо ня ў якасьці дублёра, а як асноўны галкіпэр. 4 ліпеня 2012 году Ханданавіч перайшоў у мілянскі «Інтэр». Сума трансфэру склала 11 мільёнаў эўра^[5].

Міжнародная

Ханданавіч дэбютаваў у складзе зборнай Славеніі 17 лістапада 2005 году ў матчы супраць зборнай Славаччыны. У 2010 годзе ў складзе зборнай гуляў на чэмпіянаце сьвету ў ПАР.

Асабістае жыцьцё

Бацькі Саміра маюць басьнійскае паходжаньне^[6]. Стрыечны брат Саміра, Ясьмін Ханданавіч, таксама зьяўляўся футбольным галкіпэрам, але скончыў кар’еру. Браты часьцяком удваёх выклікаліся да табару нацыянальнай зборнай.

Дасягненьні

«Інтэрнацыянале»:

• Чэмпіён Італіі: 2021
• Уладальнік Кубка Італіі: 2022, 2023
• Уладальнік Супэркубка Італіі: 2021, 2022