Свэн Бэндэр
нямецкі футбаліст From Wikipedia, the free encyclopedia
Remove ads
Свэн Бэндэр (па-нямецку: Sven Bender; нар. 27 красавіка 1989 году, Розэнгайм, ФРН) — нямецкі футбаліст. Былы гулец нацыянальнай зборнай Нямеччыны. Гуляў на пазыцыі паўабаронцы.
Remove ads
Кар’ера
Клюбная кар’ера
Свэн нарадзіўся ў баварскім горадзе Розэнгайме. Разам са сваім братам-блізьнюком Лярсам займацца пачаў у футбольнай школе Бранэнбургу, адкуль пайшоў на павышэньне ў школу клюбу «Унтэргахінг». У 2003 годзе таленавітых юнакоў заўважылі ў другім па значнасьці клюбе Мюнхэну, у «Мюнхэн-1860». У 2006 годзе Свэн быў заяўлены за другую каманду мюнхэнцаў, а неўзабаве й падпісаў кантракт зь першай камандай. Разам з братам яны адразу ж зайгралі й склалі магутны кулак у сярэдняй лініі поля. Усяго за «Мюнхэн-1860» Свэн правёў 65 матчаў і забіў 1 мяч.
Перад сэзонам 2009—2010 гадоў малады гулец зацікавіў дортмундзкую «Барусію», зь якой пасьля й падпісаў кантракт. Тут іхныя шляхі з братам разышліся, бо той аддаў перавагу на пераход у «Баер». Свэн дэбютаваў у Бундэсьлізе 19 верасьня 2009 году ў выязным матчы шостага туру супраць «Гановэру-96», які скончыўся ўнічыю 1:1. Свэн выйшаў на поле зь першых хвілін і, у цэлым, правёў нядрэнны матч[1]. Усяго ў сваім першым сэзоне правёў за «Барусію» 19 матчаў.
Міжнародная кар’ера
Гуляў у юнацкіх зборных Нямеччыны розных узростаў, зьяўляўся гульцом моладзевай зборнай. У 2008 годзе стаў чэмпіёнам Эўропы сярод юнакоў да 19 гадоў.
Remove ads
Дасягненьні
«Барусія»:
- Чэмпіён Нямеччыны: 2011, 2012
- Уладальнік Кубка Нямеччыны: 2012, 2017
- Уладальнік Супэркубка Нямеччыны: 2013, 2014
Нямеччына:
- Срэбны прызэр летніх Алімпійскіх гульняў: 2016
Сям’я
Мае брата-блізьнюка Лярса Бэндэра.
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads