Сеньненскі замак

Сеньненскі замак — помнік гісторыі і абарончай архітэктуры ў Сяньне. Знаходзіўся на беразе Сеньненскага возера, на Замкавай гары^[a]. Існаваў у XVI—XVIII стагодзьдзях.

Помнік абарончай архітэктуры
Сеньненскі замак
Замкавая гара. С. Аляксандраў, 1907 г.
Краіна	Беларусь
Места	Сянно
Каардынаты	54°48′51.30″ пн. ш. 29°42′48.90″ у. д.
Заснавальнік	Дзьмітры Сапега
Дата заснаваньня	XVI стагодзьдзе
Сеньненскі замак на мапе Беларусі Сеньненскі замак

Гісторыя

У 1573 годзе Дзьмітры Сапега збудаваў у Сяньне замак, які знаходзіўся на шляхох абароны Вялікага Княства Літоўскага ад Маскоўскай дзяржавы.

У часы Вялікай Паўночнай вайны (1700—1721) швэдзкія войскі разрабавалі і зруйнавалі замак, па чым ён ужо не аднаўляўся.

Архітэктура

Замкавы комплекс займаў квадратны пляц 80 × 80 м, пэрымэтрам якога выкапалі роў, запоўнены вадой. Пасярод пляцу знаходзіўся 2-павярховы палац, які меў два флігелі. Двума мастамі ўздоўж папярэчнай восі замак з аднаго боку зьвязваўся з выраўнаваным берагам возера, з другога — з маляўнічым берагам става, штучна створанага на рэчцы, што ўпадае ў возера. Плянавальная повязь замка з пасадам трымалася з дапамогай вуліцы-моста, якая ішла ад рога Замкаваага пляцу да Рынку^[1].

Галерэя

• Праект фартэцыі ў Сяньне
• 
  1777 г.
• 
  Брама
• 
  Брама
• 
  пачатак XIX ст.

Заўвагі

1. Цяпер на гэтым месцы разьмяшчаецца фізкультурна-аздараўленчы комплекс