Славамір Скшыпэк

Славамір Станіслаў Скшыпэк (па-польску: Sławomir Stanisław Skrzypek; нар. 10 траўня 1963 году ў Катавіцах — пам. 10 красавіка 2010 году пад Смаленскам) — польскі эканаміст, галава Нацыянальнага банку Польшчы (2007—2010).

Славамір Скшыпэк
па-польску: Sławomir Stanisław Skrzypek
Славамір Скшыпэк у 2008 годзе
Галава Нацыянальнага банку Польшчы
11 студзеня 2007 — 10 красавіка 2010
Прэзыдэнт	Лех Качынскі
Прэм’ер-міністар	Казімер Марцінкевіч, Яраслаў Качынскі, Дональд Туск
Папярэднік	Лешак Бальцэровіч
Наступнік	Марэк Бэлька
Асабістыя зьвесткі
Нарадзіўся	10 траўня 1963 Катавіцы, Польшча
Памёр	10 красавіка 2010 пад Смаленскам, Расея
Адукацыя	Унівэрсытэт Вісконсін-Мэдысан Джорджтаўнскі ўнівэрсытэт[d] Наварскі ўніверсітэт[d] Сылескі ўнівэрсытэт у Катавіцах[d] Кракаўскі эканамічны ўнівэрсытэт[d]
Узнагароды	Крыж камандорскі з зоркай ордэна Адраджэньня Польшчы

За студэнцкім часам дзейнічаў у апазыцыі, ў 1982 годзе быў арыштаваны ^[1].

Скончыў Сьлёнскую Палітэхніку ў Глівіцах (інжынэр будаўніцтва), Унівэрсытэт Вісконсін Ля Крос (Master of Business Administration) і Ўнівэрсытэт Джорджтаўн (Business Management, настрыфікацыя ў Вярхоўнай школе гандлёвай у Варшаве) ^[1]. Скончыў таксама дадатковыя курсы ў Эканамічнай акадэміі ў Кракаве, а таксама ў Сьлёнскім ўнівэрсытэце.

У 1993—1997 гадох працаваў у Вярхоўнай кантрольнай палаце. У 1997—2000 гадох быў намесьнікам галавы дзяржаўнай інстытуцыі па абароне прыроднага асяродзьдзя. У 2001—2002 гадох быў чальцом упраўленьня Польскай дзяржаўнай чыгункі. У 2002—2005 гадох быў намесьнікам мэра Варшавы Леха Качынскага. Быў таксама чальцом арганаў упраўленьня розных прыватных кампаніі ^[1].

10 студзеня 2007 году абраны галавой Нацыянальнага банку Польшчы, прыведзены да прысягі 11 студзеня.

Загінуў 10 красавіка 2010 году ў авіякатастрофе пад Смаленскам.

16 красавіка 2010 году пасьмертна ўзнагароджаны Крыжам камандорскім з зоркай ордэна Адраджэньня Польшчы ^[2].

Пахаваны ў Варшаве.