Смаленскі псалтыр

Смале́нскі псалты́р, таксама Ане́скі псалтыр — рукапісны помнік беларускай пісьмовасьці^[1] канца XIV стагодзьдзя, створаны манахам Лукой Смалянінам у Пустынскім Усьпенскім манастыры пад Амсьціславам.

Лука Смалянін

Смаленскі псалтыр, 1395

пэргамэнт, рукапіс.

Дзяржаўны гістарычны музэй, Масква

Твор напісаны на пэргаміне. Зьмяшчае 3 мініятуры, 22 застаўкі, 150 ініцыялаў і арнамэнтаў. Пры аздабленьні выкарыстаныя фарбы сіняга, зялёнага, чырвонага колераў і золата. На 72 і 129 аркушах перапісчык скарыстаўся тайнапісам^[2].

У 1657 року на загад патрыярха Нікана псалтыр вывезены на востраў Кій Анескай затокі Белага мора. Смаленскі краязнаўца Г.К. Бугаслаўскі адшукаў рукапіс у манастыры ў Анескім павеце Архангельскай губэрні, адсюль і паходзіць другая назву псалтыра — Анескі^[3].

Цяпер захоўваецца ў маскоўскім гістарычным музэі (Расея).