Спартак Масква (футбольны клюб)

«Спарта́к Масква́» (па-расейску: Спартак Москва) — расейскі футбольны клюб з гораду Масквы. Заснаваны ў 1922 годзе. 12-разовы чэмпіён СССР, 10-разовы чэмпіён Расеі, 10-разовы ўладальнік Кубка СССР, трохразовы ўладальнік Кубка Расеі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Спартак (неадназначнасьць).

Спартак Масква
Заснаваны	1922
Горад	Масква, Расея
Стадыён	Адкрыцьцё Арэна Умяшчальнасьць: 45 360
Прэзыдэнт	Леанід Фядун[d]
Кіраўнік	Лукойл
Галоўны трэнэр	Дэян Станкавіч[d][1]
Чэмпіянат	Прэм’ер-ліга
· 2024—2025	4 месца
Хатнія колеры Выязныя колеры
Галерэя здымкаў у Вікісховішчы spartak.com

Гісторыя

1922—1935

МГС у 1922 годзе

Папярэднік «Спартака» МГС быў заснаваны 18 красавіка 1922 году спартоўцамі з маскоўскага раёну Чырвоная Прэсьня, паводле прапановы Івана Арцем’ева^[2]. Група энтузіястаў, з Арцем’евым на чале, атрымала дазвол на злом некалькіх закінутых дамоў у раёне Прэсьненскай заставы для наступнага будаўніцтва стадыёну. У 1922 годзе ўжо былі гатовыя трыбуны, агароджы, распранальні й само поле. Паралельна адбылася рэарганізацыя двух фізкультурных калектываў: «Расейскага гімнастычнага таварыства» і «Таварыства фізычнага выхаваньня» Прэсьненскага футболу, то бок, іх пераўтварылі ў «Маскоўскі гурток спорту» (МГС). Тады ж у каманду прыйшлі браты Старасьціны (Мікалай, Аляксандар, Андрэй і Пётар), зь якімі зьвязана вялізная частка гісторыі «Спартаку». Назва будучай каманды выклікала бурныя спрэчкі, і ў рэшце рэшт спыніліся на кампрамісным варыянце — «Маскоўскі гурток спорту Чырвонапрэсьненскага раёну» («МГС»), але ўжо праз год клюб быў перайменаваны ў «Чырвоную Прэсьню», як і прапаноўвалася першапачаткова Арцем’евым. Да 1935 году каманда выступала пад назвамі «Чырвоная Прэсьня», «Харчавік» і «Промкаапэрацыя».

Папярэднікі «Спартака» выступалі ў чэмпіянаце Масквы — першы год у клясе «Б», але заняўшы першае месца як у вясновым, гэтак і восеньскім турнірах, каманда трапіла ў клясу «А», спаборніцтва ў якім адразу ж выйграла. Усяго ў 1923—1935 гадох каманда чатыры разы перамагала ў першынстве Масквы, і пяць разоў станавілася першай у «клюбным заліку» — комплексным паказчыку, які ўлічваў акрамя вынікаў гульняў яшчэ й выступленьні малодшых камандаў, статыстычныя паказчыкі, гульнявую дысцыпліну й агульную працу спартовай сэкцыі.

Склад

Актуальны на 17 верасьня 2025 году

№ Пазыцыя Імя Год нараджэньня 1 Бр Ільля Памазун  1996 2 Аб Алег Рабчук  1998 3 Аб Крыстафэр Ву  2001 4 Аб Аляксандар Джыку  1994 5 ПА Эсэк’ель Барка  1999 6 Аб Срджан Бабіч  1996 7 Нап Паблё Саляры  2001 9 Нап Манфрэд Угальдэ  2002 10 Нап Маркіньюс  1999 11 Нап Леві Гарсія  1997 13 ПА Максім Лайкін  2003 14 Аб Ільля Самошнікаў  1997 18 ПА Наіль Умяраў  2000 24 Нап Мікіта Масалыга  2007

№ Пазыцыя Імя Год нараджэньня 27 Нап Ігар Дзьмітрыеў  2004 28 ПА Данііл Зорын  2004 35 ПА Крыстафэр Мартынш  1997 47 ПА Раман Зобнін  (капітан) 1994 56 Бр Аляксандар Доўбня  1987 68 Аб Руслан Літвінаў  2001 77 Нап Тэо Банганда  1995 82 Аб Данііл Хлусевіч  2001 83 ПА Жэдсан Фэрнандыш  1999 88 Аб Ягор Гузіеў  2005 91 Нап Антон Забалотны  1991 97 Аб Данііл Дзянісаў  2002 98 Бр Аляксандар Максіменка  1998