Стакгольмскі архіпэляг

Стакгольмскі архіпэляг, таксама Стакгольмскія шхэры — архіпэляг на ўсходзе Швэцыі, ва ўсходняй частцы лэну Стакгольм. Найбуйнейшы архіпэляг краіны і другі ў Балтыйскім моры (пасьля Архіпэлягава мора ў Фінляндыі). Працягнуўся на 150 км (80 марскіх міляў) з поўначы на поўдзень (ад востраву Аргольма да маяку Ляндсурт на востраве Эя) і на 80 км (43 марскія мілі) з захаду на ўсход (ад мацерыковай часткі Стакгольму да астравоў Свэнска Гёгарна). У архіпэлягу налічваецца больш за 24 000 астравоў, выспаў і шхэраў^[1]. Агульная плошча 1 700 км², зь якіх 530 км² — суша. У Стакгольмскім архіпэлягу налічваецца каля 10 000 жылых дамоў і каля 50 000 лецішчаў^[2]. Найбуйнейшымі астравамі зьяўляюцца Вэрмдэ, Інгарэ, Грында. Па стане на 2005 год насельніцтва архіпэлягу складала 14 212 чалавек^[3]. Архіпэляг зьяўляецца важным турыстычным аб’ектам і ўлюбёным месцам адпачынку.

Стакгольмскі архіпэляг
Stockholms skärgård
Б’ёркшэр — адна са шхэраў Стакгольмскага архіпэлягу
Амываючая акваторыя	Балтыйскае мора
Колькасьць астравоў	больш за 24 000
Найбуйнейшы востраў	Вэрмдэ
Агульная плошча	1700 км²
Краіна	Швэцыя
Насельніцтва	14 212 чал. (2005)
Шчыльнасьць насельніцтва	8,36 чал./км²
Каардынаты	59°23′16″ пн. ш. 18°44′09″ у. д.
Стакгольмскі архіпэляг на мапе Швэцыі Стакгольмскі архіпэляг

Стакгольмскі архіпэляг

Вонкавыя спасылкі

Стакгольмскі архіпэляг — сховішча мультымэдыйных матэрыялаў