Станіслаў Рудовіч

Станіслаў Сьцяпанавіч Рудовіч (3 жніўня 1959, вёска Волма, Валожынскі раён ( цяпер Койданаўскі раён) Менская вобласьць, БССР, СССР) — беларускі гісторык. Кандыдат гістарычных навук (1987).

У 1981 скончыў Беларускі дзяржаўны ўнівэрсытэт. У 1986—1988 гадах і з 1994 году навуковы супрацоўнік Інстытуту гісторыі Нацыянальнай АН Беларусі. У 1988—1994 гадах працаваў у выдавецтве «Беларуская Энцыклапедыя» імя П. Броўкі.

Дасьледуе палітычную гісторыю Беларусі пачатку XX ст., рэвалюцыйныя падзеі 1917 року, беларускі нацыянальны рух, узьнікненьне беларускай дзяржаўнасьці найноўшага часу. Аўтар манаграфіі «Час выбару: Праблема самавызначэння Беларусі ў 1917 г.» (2000), шматлікіх артыкулаў.^[1]