Студня (Браслаў)

Студня (Калодзежны шацёр) — помнік архітэктуры першай траціны XX стагодзьдзя ў Браславе. Знаходзіцца ў заходняй частцы места, у двары былой Калёніі ўраднікаў^[a]. Твор традыцыйнай беларускай драўлянай архітэктуры. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Студня
Студня
Краіна	Беларусь
Места	Браслаў
Каардынаты	55°38′19.4″ пн. ш. 27°01′51.3″ у. д.
Архітэктурны стыль	закапанскі стыль
Аўтар праекту	Юльюш Клос[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Студня на мапе Беларусі Студня
Студня на Вікісховішчы

Гісторыя

Студня на марцы Беларусі

У некаторых крыніцах сьцьвярджаецца, што студню збудавалі ў ХІХ стагодзьдзі^[1]. Аднак напраўду яе збудавалі ў 1924—1926 гадох паводле праекту віленскага архітэктара Юльюша Клоса ў складзе архітэктурнага ансамблю Калёніі ўраднікаў^[2].

Архітэктура

Помнік традыцыйнай беларускай драўлянай архітэктуры. Гэта шацёр, пастаўлены над калодзежам на 4 прафіляваных слупах з падкосамі. Пачатковае ўмацаваньне ствала калодзежа не захавалася. Аснова шатра ўтвараецца скрыжаванымі бэлькамі, канцы якіх выступаюць і маюць фігурныя зрэзы. Пакрыцьцё шатра зь мяццай дранкі, што дало магчымасьць стварыць плястычныя грані і плаўныя абрысы даху. Завяршае яго шпіль з простым прафіляваньнем, аналягічным прафіляваньню слупоў^[1].

Заўвагі

1. Цяперашні афіцыйны адрас суседняга Дома культуры — вуліца Савецкая, 106