Стывэн Джэрард

Стывэн Джордж Джэрард (па-ангельску: Steven George Gerrard; нар. 30 траўня 1980 году ва Ўістане, графства Мэрсісайд, Ангельшчына) — ангельскі футбаліст і футбольны трэнэр. Шматгадовы капітан «Лівэрпулу». Лічыцца адным з наймацнейшых паўабаронцаў у сучасным футболе. Звычайна гуляў у цэнтры поля, але часам выступаў на пазыцыі правага паўабаронцы. У Джэрарда ёсьць досьвед гульні на пазыцыях левага паўабаронцы, правага абаронцы і нават цэнтральнага нападніка. Кавалер Ордэна Брытанскае імпэрыі ад сьнежня 2007 году.

Стывэн Джэрард
Пэрсанальная інфармацыя
Нарадзіўся	30 траўня 1980(1980-05-30)[1][2][3][…] (45 гадоў) Ўістан[d], Ноўсьлі[d], Мэрсісайд, Ангельшчына, Вялікабрытанія
Рост	185 см
Вага	83 кг
Пазыцыя	паўабаронца
Клюбы
Гады	Клюб	Гульні (галы)¹
1998—2015	Лівэрпул	504 (120)
2015—2016	Лос-Анджэлес Гэлаксі	34 (5)
Зборныя
1999—2000	Ангельшчына (да 21)[d]	4 (1)
2000—2014	Ангельшчына	114 (21)
Трэнэрскія клюбы
2018—2021	Рэйнджарз
2021—2022	Астан Віла
2023—2025	Аль-Ітыфак

Кар’ера

Амаль усю сваю кар’еру Джэрард правёў у складзе клюба «Лівэрпул», дэбютаваў у 1998 годзе і зацьвердзіўся ў асноўным складзе ў сэзоне 2000—2001 гадоў. У 2003 годзе ён быў абраны капітанам «Лівэрпулу». Разам з камандай ён двойчы атрымоўваў перамогу ў Кубку Ангельшчыны, Кубку УЭФА ў 2001 годзе і Лізе чэмпіёнаў у 2005 годзе. 7 лютага 2015 году было аб’яўлена, што пасьля 17 гадоў праведзеных у родным «Лівэрпулі» ўлетку 2015 году Стывэн зьедзе ў амэрыканскі клюб «Лос-Анджэлес Гэлаксі»^[4].

За зборную Ангельшчыны Джэрард пачаў выступаць у 2000 годзе, згуляўшы зь ёй 114 матчаў на шматлікіх рэгіёнальных і сусьветных форумах. Былы віцэ-капітан зборнай Ангельшчыны.

У лістападзе 2021 году стаў галоўным трэнэрам клюбу «Астан Віла»^[5].

Дасягненьні

«Лівэрпул»:

• Уладальнік Кубка Ангельшчыны (2): 2001, 2006
• Уладальнік Кубка ангельскай лігі (3): 2001, 2003, 2012
• Уладальнік Супэркубка Ангельшчыны: 2001, 2006
• Пераможца Лігі чэмпіёнаў: 2005
• Уладальнік Кубак УЭФА: 2001
• Уладальнік Супэркубка УЭФА (2): 2001, 2005

Асабістыя ўзнагароды

• Найлепшы малады футбаліст Ангельшчыны: 2001
  • Найлепшы малады гулец сэзону 2000/01 па вэрсіі Прафэсійнай футбольнай асацыяцыі
• Самы каштоўны гулец Лігі чэмпіёнаў: 2004/05
• Найлепшы футбаліст Ангельшчыны: 2006, 2009
  • Гулец году сэзону 2005/06 па вэрсіі футбалістаў Прафэсійнай футбольнай асацыяцыі
  • Найлепшы гулец сэзону 2008/09 заўзятараў Прафэсійнай футбольнай асацыяцыі
  • Найлепшы гулец сэзону 2008/09 па вэрсіі Асацыяцыі футбольных журналістаў

• Уладальнік прэміі Гулец месяца АПЛ (5 раз — больш за каго-небудзь, гэтак жа як і Ўэйн Руні):
  • Сэзон 2000/01 — сакавік
  • Сэзон 2002/03 — сакавік
  • Сэзон 2004/05 — сьнежань
  • Сэзон 2005/06 — красавік
  • Сэзон 2008/09 — сакавік

• Чалец ордэна Брытанскай імпэрыі: 2007