Стэфан Лёвэн

Чэль Стэфан Лёвэ́н (па-швэдзку: Kjell Stefan Löfven; нарадзіўся 21 ліпеня 1957 году ў Стакгольме, Швэцыя^[1]) — швэдзкі палітык, былы прэм’ер-міністар Швэцыі (з 3 кастрычніка 2014 году да 25 верасьня 2018 году), старшыня Сацыял-дэмакратычнай партыі Швэцыі (з 27 студзеня 2012 году), былы старшыня прафсаюзнага аб’яднаньня IF Metall (з 1 студзеня 2006 па 27 студзеня 2012 году). З моманту пазбаўленьня ад абавязкаў прэм’ер-міністру ўзначальваў пераходны ўрад краіны^[2].

Стэфан Лёвэн
па-швэдзку: Stefan Löfven
Стэфан Лёвэн апасьля дэбатаў на тэлеканале SVT, 2014 год
Прэм’ер-міністар Швэцыі
3 кастрычніка 2014 — цяперашні час
Папярэднік	Фрэдрык Райнфэльт
Старшыня Сацыял-дэмакратычнай партыі Швэцыі
27 студзеня 2012 — цяперашні час
Папярэднік	Гокан Югольт
Асабістыя зьвесткі
Нарадзіўся	21 ліпеня 1957 (68 гадоў) г. Стакгольм, Швэцыя
Партыя	Сацыял-дэмакратычная работніцкая партыя Швэцыі
Адукацыя	Унівэрсытэт Умеа[d]
Сужэнец	Ула Лёвэн
Бацька	Карл Эдбэрг[d]
Узнагароды	Q109436097? (2021)
Подпіс

Біяграфія

Стэфан Лёвэн нарадзіўся ў раёне Аспудэн у паўднёвай частцы Стакгольму, але ягоная маці ня здолела гадаваць адразу двух дзетак-блізьнятаў (бацька Стэфана памёр яшчэ да яго нараджэньня), і ва ўзросьце 10 месяцаў Стэфана Лёвэна ўсынавілі лесаруб зь мястэчка Сунэрста (камуна Салефтэа) Турэ Мэляндэр і ягоная жонка Ірыс^[3]. У Мэляндэраў ужо былі дачка і сын.

Палітычная кар’ера

Натхнёны дзейнасьцю Ўляфа Пальмэ, Стэфан Лёвэн уключыўся ў дзейнасьць швэдзкіх сацыял-дэмакратаў яшчэ з 13-гадовага ўзросту. Пасьля таго, як старшыня партыі Гокан Югольт раптоўна пакінуў сваю пасаду 26 студзеня 2012 году, на наступны дзень яго наступнікам абралі Стэфана Лёвэна^[3].