Стэфан Русецкі

Стэ́фан Русе́цкі (па-польску: Stefan Rusiecki, ? — 1671) — дзяржаўны дзяяч Вялікага Княства Літоўскага, лідзкі стольнік, кашталян менскі з 15 студзеня 1663 году.

Стэфан Русецкі

Герб «Равіч»
Асабістыя зьвесткі
Памёр	1671
Пахаваны	Касьцёл Езуса і Сьвятога Казімера і калегіюм езуітаў (Берасьце)[1]
Род	Русецкія
Жонка	Ганна Служка
Дзеці	N. дачка<br\>Аляксандар<br\>Бэнэдыкт<br\>Станіслаў

Вікіпэдыя мае артыкулы пра іншых асобаў з прозьвішчам Русецкі.

З роду Русецкіх герба «Равіч», быў лідзкім стольнікам, прызначаны кашталянам менскім 15 студзеня 1663 году «па Стэфане Кандзежаўскім, які стаў смаленскім кашталянам». Быў жанаты на берасьцянскай харужычанке Ганне Служке і меў ад яе дачку, якая стала законьніцай Сьв. Бэнэдыкта і трох сыноў: Аляксандра і Станіслава ў стане рыцарскім, і Бэнэдыкта, ў стане духоўным (1691). Станіслаў быў электарам ў 1674 годзе з берасьцейскага ваяводзтва. Памёр Стэфан Русецкі ў 1671 годзе, аб чым сьведчыла срэбная таблічка, якая знаходзілася ў Берасьці.