Сураў (рака)

Су́раў (у вярхоўі — Сураўка) — рака ў Беларусі, правы прыток ракі Беседзі (басэйн Дняпра). Цячэ ў Клімавіцкім і Касьцюковіцкім раёнах Магілёўскай вобласьці. Даўжыня 49 км. Плошча вадазбору 215 км². Выдатак вады ў вусьці 1,1 м³/с.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сураў.

Рака

Сураў
Агульныя зьвесткі
Выток	каля в. Завідаўкі
Вусьце	Беседзь
Краіны басэйну	Беларусь
Вобласьці	Магілёўская вобласьць
Даўжыня	49 км
Сярэднегадавы сьцёк	1,1 м³/с
Плошча басэйну	215 км²

На рацэ стаіць гістарычнае мястэчка Канічы.

Агульныя зьвесткі

Пачынаецца на паўночнай ускраіне вёскі Завідаўкі Клімавіцкага раёну, вусьце ў вёсцы Федараўцы Касьцюковіцкага раёну. Цячэ паўднёва-ўсходняй часткай Аршанска-Магілёўскай раўніны.

Даліна пераважна трапэцападобная, шырынёй 0,5—1 км, месцамі да 1,5 км. Схілы ўмерана стромкія і стромкія (вышыня 5—15 м), у нізоўі абрывістыя (вышыня да 8 м), месцамі парэзаныя ярамі. Абалона перарывістая, пераважна адкрытая, чаргуецца па берагах, забалочаная, шырынёй 0,2—0,5 км. Рэчышча зьвілістае, вольна мэандруе, ад вытоку на працягу 8,4 км каналізаванае. Шырыня ракі ў межань 2—6 м^[1].