Царква Сьвятой Тройцы (Поразаў)

Царква Сьвятой Тройцы — помнік гісторыі другой паловы XIX стагодзьдзя (мураўёўка) у Поразаве. Знаходзіцца ў цэнтры мястэчка, на рагу гістарычных Ваўкавыскай і Слонімская вуліцаў^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік гісторыі
Царква Сьвятой Тройцы
Краіна	Беларусь
Мястэчка	Поразаў
Каардынаты	52°56′13.80″ пн. ш. 24°21′52.80″ у. д.
Канфэсія	праваслаўе і Беларуская праваслаўная царква
Эпархія	Гарадзенская і Ваўкавыская япархія[d]
Архітэктурны стыль	расейска-бізантыйскі стыль[d]
Царква Сьвятой Тройцы на мапе Беларусі Царква Сьвятой Тройцы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Поразаве збудавалі ў 1872 годзе на месцы драўлянай царквы Сьвятога Пасаду, якая згарэла ў 1868 годзе.

За савецкім часам царква не зачынялася.

Архітэктура

Прыклад эклектычнай царкоўнай архітэктуры Расейскай імпэрыі. 4-часткавая аб’ёмна-прасторавая кампазыцыя складаецца з 8-граннай званіцы над кубападобным прытворам, кароткай трапезнай, папярочнай прастакутнай у пляне малітоўнай залі, 5-граннай апсыды з бакавымі рызьніцамі. 2-східьны дах асноўнага аб’ёму завяршаецца ў цэнтры купалам-цыбулінай на 8-гранным барабане, на ўскрайках — малымі купаламі-цыбулінамі. Купаламі-цыбулінамі таксама завяршаюцца вальмавы дах апсыды і шацёр званіцы. Тры ўваходы ў прытворы праз аркавыя парталы з калёнкамі, аркавыя аконныя праёмы дэкаруюцца рустам^[1].

Заўвагі

1. Афіцыйны адрас — вуліца Леніна, 1