Сьфінкс

Сьфінкс — мітычная істота ў старажытнаэгіпэцкай і старажытнагрэцкай міталёгіі.

Вялікі Сьфінкс у Гізе

Грэцкі сьфінкс

Сьфінкс у старажытнаэгіпэцкай міталёгіі дух-ахоўнік, увасабленьне царскай улады; фантастычная істота зь целам ільва і галавою чалавека (звычайна партрэт фараону) або сьвятой жывёлы.

У старажытнагрэцкай міталёгіі Сьфінкс — пачвара з тварам і грудзьмі жанчыны, целам ільва і крыламі птушкі, якую наслала Гера ў пакараньне на горад Тэбы. Яна забівала кожнага, хто ня мог адгадаць ейную загадку. Загадку разгадаў Эдып, Сьфінкс у роспачы кінулася ў бездань і разьбілася.

Літаратура

• Зельскі А. Сфінкс // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2