Сьціклева

«Сьці́клева» — рэспубліканскі біялягічны заказьнік Беларусі, абвешчаны ў сьнежні 2001 году на ўсходзе Менскага раёну.

Сьціклева
27 чэрвеня 2020 году
Плошча	428 га
Краіна	Беларусь
Геаграфічныя каардынаты	53° пн. ш. 27° у. д. / 53; 27
Месцазнаходжаньне	Менскі раён
Утварэньне	29 сьнежня 2001 (23 гады таму)
Сьціклева на мапе Беларусі Сьціклева

Ад 26 сакавіка 2012 году месьціцца ў Партызанскім раёне Менску, паводле Ўказу № 141 «Аб зьмене межаў г. Менска і Менскага раёну». Улучае хваёвыя лясы з рэдкімі відамі жывёлаў і расьлінаў. Мае дэнудацыйны рэльеф і знаходзіцца ў межах Менскага канцова-марэннага ўзвышша. Сустракаліся дзярнова-падзолістыя глебы флювіягляцыйнага паходжаньня, а таксама пяшчанікі і супяшчанікі на лёгкіх лёсападобных суглінках. Расьлінны сьвет налічваў 370 відаў судзінкавых расьлінаў. Сярод іх у Чырвонай кнізе Беларусі былі горны купальнік, эўрапейская пярэсна, паўночная і кучарачая лілея. Сустракалася шмат лекавых, харчовых, кармавых, меданосных і дэкаратыўных расьлінаў. Жывёльны сьвет налічваў 13 відаў сысуноў, 7 відаў земнаводных і паўзуноў, а таксама 70 відаў птушак, у тым ліку занесеную ў Чырвоную кнігу пустальгу^[1].

• 
  Сьцежка ў заказьніку (2021 год)
• 
  Чыгунка Калядзічы-Шабаны ў «Сьціклеве» (2020 год)
• 
  Уезд у заказьнік (2020 год)
• 
  Студзеньская панарама (2010 год)