Сэсар Вальеха

Сэсар Вальеха (па-гішпанску: César Abraham Vallejo Mendoza; 16 сакавіка 1892, г. Сант’яга-дэ-Чука, Пэру — 15 красавіка 1938, Парыж, Францыя) — пэруанскі празаік, паэт.

Сэсар Аўраам Вальеха Мендоса
(па-гішпанску: César Abraham Vallejo Mendoza
Сэсар Вальеха, 1929
Асабістыя зьвесткі
Нарадзіўся	16 сакавіка 1892(1892-03-16)[1][2][3][…] Сант'яга-дэ-Чука[d], Ля-Лібэртад, Пэру[4]
Памёр	15 красавіка 1938(1938-04-15)[1][2][3][…] (46 гадоў) Парыж[5]
Пахаваны	Манпарнаскія могілкі[d]
Сужэнец	Жаржэта Вальеха[d]
Літаратурная дзейнасьць
Род дзейнасьці	паэт, драматург, перакладнік, журналіст, эсэіст, навэліст, навэліст, пісьменьнік
Мова	гішпанская мова[6]
Подпіс
Сэсар Аўраам Вальеха Мендоса у Вікісховішчы

Творчасьць

У першым зборніку вершаў «Чорныя геральды» (1918; беларускі пераклад Рыгора Барадуліна, 1993) элемэнты паэтыкі лацінаамэрыканскага мадэрнізму арганічна спалучаны з протаавангардысцкімі тэндэнцыямі і індзейскім фальклёрам. У 1920—21 зьняволены за ўдзел у сялянскіх хваляваньнях. У турме напісаў зборнік «Трыльсэ» (1922), вытрыманы ў традыцыях авангардысцкай паэзіі. 3 1923 у эміграцыі (Францыя, Гішпанія). У 1928 і 1931 наведаў СССР. Напісаў раман пра рабочых-індзейцаў «Вальфрам» і публіцыстычную кнігу «Расея ў 1931 годзе» (абодва 1931). Пад уражаньнем грамадзянскай вайны ў Гішпаніі 1936—1939 стварыў цыкль «Гішпанія, няхай абмінае мяне чаша гэта» (выд. 1939). Сталая творчасьць (зборнік «Чалавечыя вершы», выд. 1939) характарызуецца прастатой і эмацыянальнасьцю, спалучэньнем авангардысцкага наватарства з сацыяльнай і агульначалавечай праблематыкай. Аўтар публіцыстычнай кнігі «Супраць прафэсійнай тайны», «Мастацтва і рэвалюцыя» (абедзьве выд. 1973).