Сядзібна-паркавы комплекс Ляжэнскіх

Сядзі́бна-па́ркавы ко́мплекс Ляжэ́нскіх — былая сядзіба ў вёсцы Аранчыцы (цяпер у Пружанскім раёне Берасьцейскай вобласьці Беларусі).

Славутасьць
Сядзіба Ляжэнскіх
Краіна	Беларусь
Раён	Пружанскі
Каардынаты	52°27′37.86″ пн. ш. 24°31′22.22″ у. д.
Заснавальнік	Аранскія
Дата заснаваньня	XVIII стагодзьдзе[1]
Дата скасаваньня	1943[1]
Стан	не захавалася
Сядзіба Ляжэнскіх на мапе Беларусі Сядзіба Ляжэнскіх

Мінуўшчына

Першую сядзібу збудавалі ў 1560 року тагачасныя ўладальнікі Аранскія, ад якіх атрымала назву вёска Аранчыцы. Пазьней маёнтак перайшоў да Іжыцкіх, а пасьля ў якасьці пасагу панны Дэрамэр дастаўся Ігнацыю Ляжэнскаму, афіцэру паўстаньня Касьцюшкі. Магіла Юзэфы Ляжэнскай (у дзявоцтве Дэрамэр) дагэтуль знаходзіцца на каталіцкіх могілках Пружаны.

Па Ігнацыі Ляжэнскім уласьнікамі маёнтку і двару ў Аранчыцах былі:

• Фэрдынанд Ляжэнскі (1794—1858), пахаваны ў Пружане
• Баляслаў Ляжэнскі (†1917)
• Павал Ляжэнскі (1880—1945), апошні ўласьнік Аранчыц, дзед польскага пісьменьніка Цэзарыя Ляжэнскага

Па прыходзе бальшавікоў у 1939 року маёнтак быў разрабаваны. У 1943 року двор быў падпалены партызанскім аддзелам Арміі Краёвай пад даводзтвам капітана Войцеха Зьбілюта (польск. Wojciech Zbilut) ў часе сутычкі зь немцамі і згарэў дашчэнту.

Апісаньне

Двор у Аранчыцах быў простакутны, 20×7 м. Дах гонтавы. З адваротнага боку хаты знаходзілася адкрытая вэранда. Ганак падтрымлівалі 4 мураваныя калёны.

Маёнтак меў 2 стайні, каменны і драўляны хлявы, кароўнік, стадолу, хату на 4 сям’і, флігель^[2].

Сядзібу атачаў парк плошчай 200×300 м з рыбнымі ставамі, пляжам і двума алеямі.