Сядзіба Манькоўскіх (Мазалава)

Сядзіба Манькоўскіх («Мілае») — помнік архітэктуры і садова-паркавага мастацтва XIX стагодзьдзя ў Мазалаве. Знаходзіцца ў цэнтры вёскі. Твор архітэктуры клясыцызму, мастацкае аблічча якога пацярпела ад надбудовы купала-цыбуліны. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Сядзіба Манькоўскіх
Сядзіба Манькоўскіх, аўтэнтычны выгляд
Краіна	Беларусь
Вёска	Мазалава
Каардынаты	55°17′03.70″ пн. ш. 30°08′59.10″ у. д.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Сядзіба Манькоўскіх на мапе Беларусі Сядзіба Манькоўскіх

Гісторыя

Сядзібу «Мілае» ў Мазалаве І. Манькоўскі збудаваў у 1804 годзе. За савецкім часам у будынку сядзібы разьмяшчалася сярэдняя школа, за часамі Другой сусьветнай вайны — пастарунак паліцыі, па вайне — інтэрнат.

У 1990 годзе сядзібу ўзялі пад ахову дзяржавы і ўнесьлі ў сьпіс гістарычна-культурных каштоўнасьцяў. Потым будынак перадалі Беларускаму экзархату Маскоўскага патрыярхату. У 2018 годзе ў выніку рэканструкцыі над дахам будынка паставілі вялікі купал-цыбуліну^[1].

Архітэктура

Помнік архітэктуры раньняга клясыцызму. Комплекс складаўся зь сядзібнага дома, гаспадарчых пабудоваў, млына і парк зь вялікай колькасьцю дэкаратыўных расьлінаў. Дом меў выгляд прастакутніка. Перад галоўным фасадам быў фантан, які хутчэй за ўсё напаўняўся вадой з крыніцы.