Сямён Пяньчук

Сямён Пяньчук (нар. 17 студзеня 2001 году) — беларускі футбаліст, нападнік «Баранавічаў» (у арэндзе зь «Менску»).

Сямён Пяньчук
Пэрсанальная інфармацыя
Нарадзіўся	17 студзеня 2001(2001-01-17)[1] (24 гады) Менск, Беларусь[1]
Рост	189 см[1]
Вага	82 кг[1]
Пазыцыя	нападнік
Клюбная інфармацыя
Клюб	Баранавічы (у арэндзе з клюбу «Менск»)
Нумар	9
Клюбы
Гады	Клюб	Гульні (галы)¹
2020—4	Менск	34 (4)
2025	→ Менск-2	3 (1)
2025—4	→ Баранавічы
Зборныя
2019	Беларусь (да 19)[d]	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 4 траўня 2025.

Кар’ера

Клюбная

Выхаванец клюбу «Менск», дзе займаўся футболам зь пяці гадоў. У 2018 годзе пачаў выступаць за клюбны дубль, а ў 2019 годзе абараняў колеры «Менску» ў Юніёрскай лізе УЭФА. 23 верасьня 2020 году дэбютаваў за асноўную каманду «Менску» ў Найвышэйшай лізе, калі выйшаў на замену ў канцы сустрэчы супраць «Смалявічаў» (4:0) і пасьпеў адзначыцца голам. Пасьля працягваў зьяўляцца ў асноўнай камандзе, пераважна выходзячы на замену. У сьнежні 2023 году падоўжыў кантракт з клюбам да сканчэньня 2024 году^[2]. У пачатку траўня 2024 году атрымаў цяжкую траўму, сутыкнуўшыся з мэталічнай агароджай на стадыёне САК Алімпійскі ў Менску^[3]. Футбаліст быў вымушаны прапусьціць рэшту сэзону. У студзені 2025 году падпісаў новае працоўнае пагадненьне з клюбам^[4]. Улетку быў накіраваны ў арэнду ў першалігавыя «Баранавічы»^[5].

Міжнародная

У кастрычніку 2019 года гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы.