Сяргей Каваленка
беларускі палітык From Wikipedia, the free encyclopedia
Remove ads
Сярге́й Кавале́нка (нар. 16 студзеня 1975 году) — беларускі палітычны дзяяч, сябра КХП-БНФ.
Remove ads
Дзейнасьць
Сяргей Каваленка стаўся вядомым пасьля таго, як 7 студзеня 2010 году на пляцы ў цэнтры Віцебску узьняў на навагодняе елцы бел-чырвона-белы сьцяг, які залунаў па-над чырвонай зоркай. Пасьля чаго ён быў арыштаваны ды прысуджаны да трох гадоў умоўнага пакараньня[1]. Суд над Каваленкам выклікаў вялікі розгалас, праваабаронцы сьведчылі пра палітычны характар працэсу над актывістам[2]. Ґазэта «Наша Ніва» абвесьціла Каваленку «героем году» ва ўласным сьпісе найбольш выбітных людзей 2010 году[3].
Напрыканцы сьнежня 2011 году Сяргей Каваленка чарговага разу быў арыштаваны і абвінавачаны ў "парушэньні рэжыму адбываньня пакараньня". Зь 19 сьнежня 2011 году Каваленка трымаў сухую галадоўку, а з 16 студзеня 2012 году яго пачалі ґвалтоўна зьмушаць да ўжываньня ежы[4]. Каваленка быў прысуджаны да двух гадоў і 1 месяцу калёніі. Прысуд вынесла судзьдзя Алена Жук, пракурорам выступаў Зьміцер Лутаў.
Ажаніўся 18 чэрвеня 2004 году[5], мае двух дзяцей[2]. У верасьні 2010 году расстаўся з жонкай, каб не было ціску на сваякоў у сувязі з крымінальнай справай. 17 лютага 2012 году сужэнцы аднавілі шлюб падчас знаходжаньня Сяргея ў сьледчым ізалятары ў Віцебску[6].
27 сьнежня 2014 году быў зноўку затрыманы праваахоўнымі орґанамі праз тое, што вывесіў бел-чырвона-белы сьцяг на шматпавярховым будынку ў Віцебску. У той жа дзень судзьдзя Першамайскага раёну Віцебску Андрэй Прэйс прысудзіў актывіста да 10 дзён адміністрацыйнага арышту. 3 студзеня 2015 году Каваленка быў вызвалены з ізалятару[7]. У Варшаве 27 чэрвеня 2020 году на Маршы Салідарнасьці спаліў расейскі сьцяг [8].
Remove ads
Фатаздымкі
Глядзіце таксама
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads