Сілістра

Сілі́стра (па-баўгарску: Силистра) — горад на паўночным усходзе Баўгарыі. Горад ляжыць на паўднёвым беразе Дунаю, які ў гэтым месцы аддзяляе Баўгарыю ад Румыніі. Горад зьяўляецца адміністрацыйным цэнтрам Сілістранскай вобласьці.

Сілістра
Герб Ловэчу Сьцяг Ловэчу
Краіна:	Баўгарыя
Плошча:	27,159 км²[1]
Вышыня:	6 м н. у. м.
Насельніцтва:	▼26 879 чал. (31 сьнежня 2024)[2]
Тэлефонны код:	086
Паштовы індэкс:	7500
Геаграфічныя каардынаты:	44°6′33.257″ пн. ш. 27°15′55.372″ у. д.
Сілістра на мапе Баўгарыі Сілістра
Галерэя здымкаў у Вікісховішчы
https://www.silistra.bg/

Гісторыя

Рымляны пабудавалі ў горадтым месцы крэпасьць Дурасторум (лац. Durostorum) у 29 годзе на месцы ранейшага паселішча тракійцаў. Самымі раньнімі вядомымі сьвятымі Баўгарыі ёсьць рымскія жаўнеры, які былі пакараныя тут сьмерцю падчас перасьледу Дыяклетыяна. Дурасторум стаў важным вайсковым цэнтрам рымскае правінцыі Мёзія і ператварыўся ў горад за часам Марка Аўрэліюса. Места стала цэнтрам хрысьціянскага эпіскапату і цэнтрам хрысьціянства ў рэгіёне.

Пра падзеле Рымскае імпэрыі на Ўсходнюю і Заходнюю імпэрыі, горад апынуўся ў складзе Усходняй (Бізантыйскай) частцы. Прыблізна ў канцы VII стагодзьдзя горад быў уключаны ў склад Першага Баўгарскага царства, а гарадзкі эпіскап Драстар быў абвешчаны першым патрыярхам Баўгарыі. У 895 годзе падчас баўгарска-вугорскай вайны 894—896 гадоў, вугорцы, хаўрусьнікі Бізантыі, аблажылі баўгарскае войска, ачоленае асабіста Сімяонам I у гарадзкой крэпасьці, але гэты напад быў адбіты^[3]. У наступным годзе вугорцы былі рашуча разьбітыя ў бітве на Паўднёвым Бугу.