Сіньцьзян-Уйгурскі аўтаномны раён

Сіньцьзя́н (па-кітайску: 新疆, піньінь: Xīnjiāng, [ɕíntɕjɑ́ŋ]; па-ўйгурску: شىنجاڭ, лац.: Shinjang), афіцыйна — Сіньцьзя́н-Уйгу́рскі аўтаномны раён (па-кітайску: 新疆维吾尔自治区, піньінь: Xīnjiāng Wéiwú'ěr Zìzhìqū; па-ўйгурску: شىنجاڭ ئۇيغۇر ئاپتونوم رايونى‎, трансьл.: Shinjang Uyghur Aptonom Rayoni) — аўтаномны раён на крайнім паўночным захадзе Кітайскай Народнай Рэспублікі. Частка тэрыторыі Сіньцзяну на поўнач ад гораў Цянь-Шаню завецца Джунгарыя (ад манг. Зүүнгар — «левая рука»; калм. Зүн Һар; каз. Жоңғария; кырг. Жуңгарстан; кіт. 準噶爾 (Чжуньгаэр); уйг. Җуңғар ойманлиғи/جۇڭغار ئويمانلىغى). Гістарычна гэты край называўся Ўсходнім Туркестанам, і гэтай назьве дагэтуль сьледуюць многія прадстаўнікі карэннага цюрскамоўнага насельніцтва.

Сіньцьзян-Уйгурскі аўтаномны раён
кіт. 新疆维吾尔自治区 уйг. شىنجاڭ ئۇيغۇر ئاپتونوم رايونى‎
Агульныя зьвесткі
Краіна	Кітай
Статус	аўтаномны раён
Адміністрацыйны цэнтар	Урумчы
Улучае	14 акругаў, 99 паветаў, 1005 воласьцяў
Найбольшы горад	Урумчы
Дата ўтварэньня	1 кастрычніка 1955
Губэрнатар	Нур Бэкры
Сакратар КПК	Чжан Чуньсянь
Насельніцтва (2010)	21 813 334 чал.[1] (25-е месца)
Шчыльнасьць	13 чал./км² (29-е месца)
Нацыянальны склад	уйгуры, хань, казахі, хуэй, кыргызы, манголы, дунсян, памірскія народы, сібо
Плошча	1 664 900[2] км² (1-е месца)
Месцазнаходжаньне Сіньцьзян-Уйгурскага аўтаномнага раёну
Мэдыя-зьвесткі
Код ISO 3166-2	CN-65
Афіцыйны сайт
Дадатковыя мультымэдыйныя матэрыялы

Сталіцай Сіньцзян-Уйгурскага аўтаномнага раёну зьяўляецца места Ўрумчы, адносна малады горад, асабліва ў параўнаньні з гарадамі з багатым гістарычным мінулым — гістарычнай сталіцай краю Кашгарам або Яркандам, Кульджай ці Турфанам. Іншымі славутасьцямі Сіньцьзяну зьяўляюцца гарады Шыхэцы, прадмесьце Ўрумчы Чандзі, горад нафтавікоў Карамай, Алтай — казаскі горад ля падножжа аднайменнага горнага ланцугу, Корла, Хамі, Манас, Аксу і Хатан — старажытны горад на поўдні Тарымскай нізіны.

Гаспадарка

• Газаправод «Сярэдняя Азія — Кітай»