Тайра Бэнкс

Тайра Лін Бэнкс
Тайра Лін Бэнкс
Дата нараджэньня	4 сьнежня 1973 (51 год)
Месца нараджэньня	Лос-Анджэлес, ЗША
Рост	180 см
Грудзі	89 см
Стан	60 см
Сьцёгны	92 см
Колер валасоў	брунэтка
Вочы	гнядыя
TyraBanks.com

Біяграфія

Яе бацькі — Каралін Бэнкс і Дональд Бэнкс, брат — Дэвін Бэнкс.

У 17 гадоў яна скончыла Immaculate Heart High School і вызначылася з наступнай кар’ерай, падпісаўшы кантракт з мадэльным агенцтвам Elite. Тайра плянавала паступіць у каледж Loyola Maramount у Лос-Анджэлесе.

Пасьля заключэньня кантракту Тайра адпраўляецца ў Парыж, дзе ёй прапаноўвае працу цэлы шэраг агенцтваў, уключаючы Ralph Lauren і Chanel. Тайра была першай чарнаскурай дзяўчынай, трапіўшай на вокладкі такіх часопісаў як Sports Illustrated Swimsuit Edition, GQ і каталёга Victoria`s Secret.

Тайра была адной з мадэляў, якія зьняліся ў Playboy у траўні 1997 году з Кляўдыяй Шыфэр на вокладцы. У гэтым выпуску часопіса можна ўбачыць Наомі Кэмпбэл, Сіндзі Кроўфард, Ева Херцыгава, Іман, Эль Макфэрсан, Кэйт Мос і Стэфані Сэймур.

У сярэдзіне 2005 году Тайра заявіла аб сыходзе з мадэльнага бізнэсу і засяродзіла свае сілы ў кар’еры на тэлебачаньні.

У 2008 годзе ўвайшла ў пяцёрку самых сэксуальных мадэляў. Уваходзіла ў дзясятку самых высокааплатных топ-мадэляў сьвету.

Remove ads

Дадатковыя зьвесткі

У 2004 годзе Тайра выпусьціла свой дэбютны сынгл «Shake Ya Body», відэа якога ўключала фінал шоў America’s Next Top Model.
Тайра двойчы ўвайшла ў сьпіс самых прыгожых людзей плянэты часопіса People Magazine і напісала кнігу «Тайра: вонкавая і ўнутраная прыгажосьць» (Tyra’s Beauty Inside & Out).
Тайра прадусыруе і вядзе рэаліці-шоў America’s Next Top Model з 2003 году.
Таксама Тайру можна ўбачыць у музычных кліпах Майкла Джэксана «Black or White», Тыны Торнэр «Love Thing», Mobb Deep «Trife Life» і Джорджа Майкла «Too Funky».

Remove ads

Тайра Бэнкс

Біяграфія

Дадатковыя зьвесткі

Фільмаграфія

Вонкавыя спасылкі

Wikiwand - on