Такефуса Кубо

Такефуса Кубо (па-японску: 久保 建英; нар. 4 чэрвеня 2001 году) — японскі футбаліст, атакуючы паўабаронца гішпанскага клюбу «Рэал Сасьедад» і нацыянальнай зборнай Японіі.

Такефуса Кубо
Пэрсанальная інфармацыя
Нарадзіўся	4 чэрвеня 2001(2001-06-04)[1] (24 гады) Кавасакі[d], Канагава[d], Японія
Рост	169 см[2]
Вага	67 кг[2]
Пазыцыя	паўабаронца
Клюбная інфармацыя
Клюб	Рэал Сасьедад
Нумар	14
Клюбы
Гады	Клюб	Гульні (галы)¹
2016—2019	Токіё[d]	19 (4)
2018—2019	→ Якагама Ф. Марынас[d]	5 (1)
2019—2022	Рэал Мадрыд	0 (0)
2019—2020	→ Мальёрка	35 (4)
2020—2021	→ Вільярэал	13 (0)
2021	→ Хэтафэ	18 (1)
2021—2022	→ Мальёрка	28 (1)
2022—4	Рэал Сасьедад	101 (21)
Зборныя
2019—4	Японія	44 (7)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Кубо навучаўся ў некалькіх футбольных акадэміях, у тым ліку ў «Барсэлёне». Апошнім клюбам юнака да пачатку прафэсійнай кар’еры быў сталічны клюб «Токіё». У веку 15 гадоў далучыўся да асноўнай каманды клюбу. Дэбютаваў спачатку ў трэцім дывізіёне ў складзе рэзэрвовай каманды, а потым і ў асноўнай дружыне такійцаў. 15 красавіка 2017 году ўлучыў першы гол у кар’еры. Каб набрацца досьведу 16 жніўня 2018 году гулец на правах арэнды перайшоў на паўгады да табару «Якагамы Марынас»^[3], дзе ў першым жа матчы забіў гол у браму «Вісэл Кобэ»^[4]. Маладога футбаліста заўважылі ў мадрыдзкім «Рэале», які ўгодніў зь японцам дамову на пяць год. Аднак, за «Рэал» Кубо гэтак і не згуляў, бо некалькі гадоў вандраваў па арэндах сярод гішпанскіх клюбаў «Мальёрка», «Вільярэал» і «Хэтафэ». 19 ліпеня 2022 году паўабаронца ўмовіўся з «Рэалам Сасьедад»^[5][6][7]. У свой дэбютны матч японец адзначыўся голам у браму «Кадысу».

Міжнародная

Дэбютаваў у складзе зборнай Японіі 9 чэрвеня 2019 году ў матчы супраць зборнай Сальвадору.