Талант Дуйшабаеў

Тала́нт Мушанбэ́тавіч Дуйшаба́еў (па-расейску: Талант Мушанбетович Дуйшебаев; нарадзіўся 2 чэрвеня 1968 году, Фрунзэ) — савецкі, расейскі і гішпанскі гандбаліст, адзін з найлепшых гульнёвых у гісторыі гандболу. Найлепшы гандбаліст сьвету (1994, 1996). Заслужаны майстар спорту СССР (1992). Другі гандбаліст XX стагодзьдзя паводле апытаньня Міжнароднай фэдэрацыі гандболу (2000)^[1].

Талант Дуйшабаеў
Талант Дуйшебаев
Пэрсанальная інфармацыя
Нарадзіўся	2 чэрвеня 1968 (57 гадоў) Фрунзэ, Кіргіская ССР
Рост	183 см
Пазыцыя	гульнёвы
Клюбная інфармацыя
Клюб	Вівэ (галоўны трэнэр)
Клюбы
Гады	Клюб
1976—1992 1992—1997 1997—1998 1998—2001 2001—2007	ЦСКА Масква Кантабрыя Нэтэльштэт Міндэн Сьюдад-Рэаль
Зборныя
1992 1992—1996 1996—2002	Аб’яднаная каманда Расея Гішпанія	? 133 (726) ?
Трэнэрскія клюбы
2005—2011 2011—2013 2014— 2014—2016 2016—2017	Сьюдад-Рэаль Атлетыка Мадрыд Вівэ Таўран Кельцы Вугоршчына Польшча

Спартовыя ўзнагароды
Алімпійскія гульні
Золата	Барсэлёна-1992	Аб’яднаная каманда
Бронза	Атланта-1996	Гішпанія
Бронза	Сыднэй-2000	Гішпанія
Чэмпіянаты сьвету
Золата	Швэцыя-1993	Расея
Чэмпіянаты Эўропы
Срэбра	Гішпанія-1996	Гішпанія
Срэбра	Італія-1998	Гішпанія
Бронза	Харватыя-2000	Гішпанія

Жыцьцяпіс

Паводле нацыянальнасьці — кіргіз^[2]. Выхаванец кыргіскай школы гандболу. Прафэсійную кар’еру пачаў у маскоўскім ЦСКА.

Талант Дуйшабаеў быў капітанам зборнай СНД, якая стала чэмпіёнкай Алімпійскіх гульняў 1992 року, і зборнай Расеі — чэмпіёнкі сьвету-1993. Акрамя таго, на Алімпіядзе-1992 ён стаў найлепшым бамбардырам спаборніцтва з 47 мячамі^[3].

Па распадзе СССР пераехаў гуляць у Гішпанію, у 1995 прыняў ейнае грамадзянства. З гішпанскай зборнай Дуйшабаеў тройчы браў удзел у Алімпійскіх гульнях і заваяваў два бронзавыя мэдалі — у Атланце і Сыднэі. Тройчы за гэты пэрыяд каманда Дуйшабаева станала прызэркай чэмпіянатаў Эўропы (1996, 1998, 2000).

Асноўныя дасягненьні ў клюбнай кар’еры Таланта Дуйшабаева зьвязаныя з камандай «Кантабрыя» з Сантандэру, зь якой ён двойчы перамагаў у чэмпіянаце Гішпаніі і Кубку кубкаў, і з клюбам зь мястэчка Сьюдад-Рэаль, куды ён прыйшоў у 2001 року. У сэзоне-2003/04 гэты клюб упершыню ў сваёй гісторыі стаў чэмпіёнам Гішпаніі, а праз год дайшоў да фіналу Лігі чэмпіёнаў.

У чэрвені 2005 адбыўся разьвітальны матч Дуйшабаева, які абвясьціў пра пераход на трэнэрскую працу. У першы ж год на пасадзе трэнэра «Сьюдад-Рэалю» Дуйшабаеў прывёў клюб да перамогі ў Лізе чэмпіёнаў.

У сэзоне-2006/07 з прычыны траўмы асноўнага гульнёвага «Сьюдад-Рэалю» славенца Ураша Зормана 38-гадовы Дуйшабаеў быў вымушаны вярнуцца на пляцоўку. Вялікі гандбаліст хутка аднавіў гульнявыя кандыцыі — у лістападзе 2006 ягоны клюб перамог у Супэркубку Эўропы, а пасьля і ў нацыянальным чэмпіянаце.

З 2008 року, калі Дуйшабаеў зноўку засяродзіўся на трэнэрскай працы, «Сьюдад-Рэаль» двойчы выйграваў Лігу чэмпіёнаў і тройчы станавіўся чэмпіёнам Гішпаніі.

8 студзеня 2014 року Талант Дуйшабаеў быў прызначаны галоўным трэнэрам польскага клюбу «Вівэ Таргі Кельцы»^[4]. Адначасна з 8 кастрычніка 2014 трэніруе зборную Вугоршчыны^[5].

Дасягненьні

Зборныя

• Алімпійскі чэмпіён (1992)
• Бронзавы прызэр Алімпійскіх гульняў (1996, 2000)
• Чэмпіён сьвету (1993).
• Срэбны прызэр чэмпіянату Эўропы (1996, 1998)
• Бронзавы прызэр чэмпіянату Эўропы (2000).

Клюбныя

• Пераможца Лігі чэмпіёнаў (1994)
• Срэбны прызэр Лігі чэмпіёнаў (2005)
• Уладальнік Кубка Кубкаў (2002, 2003)
• Уладальнік Кубка ЭГФ (1993)
• Уладальнік Супэркубка Эўропы (2006)
• Чэмпіён Гішпаніі (1993, 1994, 2004, 2007)
• Уладальнік Кубка Гішпаніі (1993, 1994, 1997, 2004, 2005, 2007)
• Уладальнік Супэркубка Гішпаніі (2005)

Трэнэрскія

• Пераможца Лігі чэмпіёнаў (2006, 2008, 2009)
• Срэбны прызэр Лігі чэмпіёнаў (2010, 2011, 2012)
• Уладальнік Супэркубка Эўропы (2008)
• Чэмпіён Гішпаніі (2007, 2008, 2009, 2010)
• Уладальнік Кубка Гішпаніі (2006, 2008, 2010)