Сантандэр (горад)

Сантандэ́р (па-гішпанску: Santander) — партовы горад на паўночным узьбярэжжы Гішпаніі, адміністрацыйны цэнтар аднайменнага раёну, а таксама правінцыі й Аўтаномнае Супольнасьці Кантабрыя. Сантандэр разьмешчаны на беразе Атлянтычнага акіяна й як тыповы прыморскі горад выцягнуўся ўздоўж берагу. Пасьля катастрафічнага пажару ў 1941 годзе, які доўжыўся двое содняў, цэнтар гораду падвергнуўся перабудове, і таму Сантандэр небагаты на гістарычныя славутасьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сантандэр.

Сантандэр
гішп. Santander
Герб Сантандэру Сьцяг Сантандэру
Першыя згадкі:	1068
Краіна:	Гішпанія
Аўтаномная супольнасьць:	Кантабрыя
Правінцыя:	Кантабрыя
Кіраўнік:	Гема Ігуаль Ортыс[d]
Плошча:	34 км²
Вышыня:	15 м н. у. м.
Насельніцтва (2011)
колькасьць:	179 921 чал.
шчыльнасьць:	5291,79 чал./км²
Часавы пас:	UTC+1
летні час:	UTC+2
Тэлефонны код:	942
Паштовы індэкс:	39001–39012
Нумарны знак:	S
Геаграфічныя каардынаты:	43°28′0″ пн. ш. 3°48′0″ з. д.
Сантандэр на мапе Гішпаніі Сантандэр
Галерэя здымкаў у Вікісховішчы
http://www.ayto-santander.es/

Гісторыя

Некаторыя гісторыкі лічаць, што на месцы сучаснага Сантандэра мог знаходзіцца рымскі порт, які ўпершыню згадваецца ў час вайны супарць кантабраў у 26 годзе н. э.^[1]

Не зважачы ня тое, што горад упершыню згадваецца ў 1068 году падчас кіраваньня Санча II, важнай падзеяй для гісторыі Сантандэру зьяўляецца стварэньне ў IX стагодзьдзі Альфонсам II абацтва Сьвятых Целаў (гішп. Abadía de los Cuerpos Santos), куды перанесьлі мошчы сьвятых Эмэтэрыё й Сэлядоніё. Паводле легенды, гэтыя сьвятыя былі абезгалоўленыя за адмову адысьці ад хрысьціянскай веры ў часы ганеньняў Дыяклетыяна. Пазьней іхныя галовы былі пакладзены ў каменную лодку, каб захаваць іх ад надыходу арабаў-мусульманаў і калі лодка наблізілася да Сантандэру, тыя цудадзейным чынам падзяліліся, а мошчы знайшлі свой новае прытулак ля ўзгорка Самаростра.

11 ліпеня 1187 году кароль Альфонса VIII прызначыў абата Сьвятых Целаў сэньёрам гораду, а таксама надаў яму асаблівыя правы й перавагі для палягчэньня гандлю, марскога суднаходзтва, рыбалоўства і іншага дзеяньня^[2].

Транспарт

Асноўным відам транспарту ў Сантандэры зьяўляецца аўтамабіль. Гарадзкія аўтобусы належаць муніцыпалітэту, аднак, таксама аўтобусныя перавозкі ажыцьцяўляюцца кампаніяй ALSA, праз даччыную кампанію Astibus.