Тартак (возера)

Тартак — возера ва Ўшацкім раёне Віцебскай вобласьці. Знаходзіцца за 20 км на паўднёвы захад ад Ушачаў, за 1,5 км на поўдзень ад вёскі Царкавішча.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Тартак (неадназначнасьць).

Возера Тартак Краіна Беларусь Плошча 0,54 км² Плошча вадазбору 116 км² Максымальная глыбіня 11,4 м Найбольшая даўжыня 1,76 км Найбольшая шырыня 0,5 км Даўжыня берагавой лініі 4,44 км Аб’ём вады 2,5 млн м³ Каардынаты 55°0′46.50″ пн. ш. 28°25′41.04″ у. д. Тартак на мапе Беларусі Тартак

Возера знаходзіцца ў басэйне ракі Ушача, якая працякае праз возера. Плошча Тартаку складае 0,54 км². Найбольшая глыбіня возера — 11,4 м. Даўжыня возера — 1,76 км, найбольшая шырыня — 0,5 км. Даўжыня берагавой лініі — 4,44 км. Аб’ём вады ў возеры складае 2,5 млн м³, плошча вадазбору возера — 116 км².

Схілы катлавіны возера маюць вышыню 6—9 м і знаходзяцца пад лесам. На паўднёвым усходзе вышыня схілаў складае 10—15 м. Берагі возера нізкія, пяшчаныя, на пэўных учатках знаходзяцца пад хмызьняком, забалочаныя. На паўночным усходзе і паўднёвым захадзе знаходзіцца парослая хмызьняком пойма, шырыня якой скалае 100—150 м.

Дно вадаёма да глыбіні 2 м пяшчанае, на большых глыбінях дно высланае глеем.

У паўночнай частцы возера мае выспу, плошча якой складае 0,1 га (0,001 км²).

Уздоўж берагоў знаходзіцца вузкая паласа надводнай расьліннасьці, пашыраная да глыбіні 1,7 м. Падводныя макрафіты пашыраныя да глыбіні 3 м.

Возера Тартак злучанае ракой Ушача з азёрамі Мурагі на паўднёвым захадзеі Царкавішча на паўночным усходзе.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1