Тобі Альдэрвэйрэльд

Тобіяс «Тобі» Альбэртын Маўрыц Альдэрвэйрэльд (па-нідэрляндзку: Tobias «Toby» Albertine Maurits Alderweireld; нар. 2 сакавіка 1989 году, Антвэрпэн, Бэльгія) — бэльгійскі футбаліст, абаронца. Колішні гулец нацыянальнай зборнай Бэльгіі. Часьцяком гуляў цэнтральнага абаронцу, але здольны згуляць на правым флянзе абароны.

Тобі Альдэрвэйрэльд
Пэрсанальная інфармацыя
Нарадзіўся	2 сакавіка 1989(1989-03-02)[1][2][3] (36 гадоў) Вільрэйк[d], Антвэрпэн, Фляндрыя, Бэльгія
Рост	187 см
Вага	80 кг
Пазыцыя	цэнтральны абаронца
Клюбы
Гады	Клюб	Гульні (галы)¹
2008—2013	Аякс	128 (7)
2013—2015	Атлетыка Мадрыд	12 (1)
2014—2015	→ Саўтгэмптан	26 (1)
2015—2021	Тотэнгэм Готспур	174 (8)
2021—2022	Аль-Дугаіль[d]	20 (0)
2022—2025	Антвэрпэн	103 (13)
Зборныя
2005—2006	Бэльгія (да 17)[d]	17 (3)
2006	Бэльгія (да 18)[d]	3 (0)
2006—2007	Бэльгія (да 19)[d]	9 (0)
2009—2010	Бэльгія (да 21)[d]	5 (0)
2009—2022	Бэльгія	127 (5)

Клюбная кар’ера

«Аякс»

Альдэрвэйрэльд запісаўся ў моладзевую акадэмію «Аяксу» ў жніўні 2004 году, перйшоўшы туды з «Жэрміналю». 22 лютага 2007 году Тобі падпісаў свой ​​першы прафэсійны кантракт з клюбам да 30 чэрвеня 2010 году^[4]. У сэзоне 2008—2009 гадоў быў пераведзены ў галоўную каманду, але дэбютаваў толькі 18 студзеня ў пераможнай гульні супраць клюбу НЭК (4:2)^[5]. 26 лютага ён дэбютаваў у Кубку УЭФА ў гульні супраць італьянскай «Фіярэнтыны», якая скончылася ўнічыю зь лікам 1:1^[6]. Падчас сэзону 2009—2010 гадоў Альдэрвэйрэльд атрымаў трывалае месца ў асноўным складзе клюбу, дзе гуляў у цэнтры абароны разам са сваім земляком Янам Вэртонгенам.

«Атлетыка»

31 жніўня 2013 году далучыўся да мадрыдзкага «Атлетыка», які заплаціў за бэльгійца суму ў памеры 7 млн эўра. З новым клюбам кантракт у Тобі разьлічаны на 4 гады. На астатнім адрэзку чэмпіянату Тобі згуляў 12 матчаў і стаў пераможцам Ля Лігі. 11 траўня ён забіў адзін гол за клюб, зраўняўшы лік у хатнім матчы супраць «Малягі», у перадапошнім туры, гарантуючы клюбу магчымасьць працягнуць барацьбу за тытул^[7]. Альдэрвэйрэльд згуляў апошнія сем хвілінаў і дадатковы час у фінале Лігі чэмпіёнаў 2014 году, зьявіўшыся на полі замест Філіпэ Луіса, аднак каманды была зьбіта мадрыдзкім «Рэалам».

1 верасьня 2014 году быў аддадзены ў арэнду ў ангельскі «Саўтгэмптан»^[8].

Міжнародная кар’ера

Выступаў за юнайцкія й моладзевыя зборныя краіны. Дэбютаваў у складзе нацыянальнай зборнай Бэльгіі ў 2009 годзе матчам супраць зборнай Чэхіі.

Дасягненьні

«Аякс»:

• Чэмпіён Нідэрляндаў: 2011, 2012, 2013
• Уладальнік Кубка Нідэрляндаў: 2010
• Уладальнік Супэркубка Нідэрляндаў: 2013

«Атлетыка»:

• Чэмпіён Гішпаніі: 2014

«Аль-Дугаіль»:

• Уладальнік Кубка эміра Катару: 2022

«Антвэрпэн»:

• Чэмпіён Бэльгіі: 2023
• Уладальнік Кубка Бэльгіі: 2023
• Уладальнік Супэркубка Бэльгіі: 2023