Томаш Нэцыд

То́маш Нэ́цыд (па-чэску: Tomáš Necid; нар. 13 жніўня 1989 году, Прага, Чэхаславаччына) — чэскі футбаліст, нападнік клюбу «Славія Б». Былы гулец нацыянальнай зборнай Чэхіі.

Томаш Нэцыд
Пэрсанальная інфармацыя
Нарадзіўся	13 жніўня 1989(1989-08-13)[1][2][3][…] (36 гадоў) Прага, Чэхаславаччына[1][4]
Рост	190 см
Вага	84 кг
Пазыцыя	нападнік
Клюбная інфармацыя
Клюб	Славія Прага Б[d]
Клюбы
Гады	Клюб	Гульні (галы)¹
2006—2009	Славія Прага	32 (13)
2008	→ Ябланец	13 (5)
2009—2015	ЦСКА Масква	75 (19)
2013—2014	→ ПАОК	12 (1)
2014	→ Славія Прага	13 (3)
2014	→ Зволе	14 (8)
2015	Зволе	10 (3)
2015—2018	Бурсаспор	36 (11)
2017	→ Легія Варшава	6 (1)
2017—2018	→ Славія Прага	15 (3)
2018—2020	АДО Дэн Гааг	47 (15)
2020—2024	Багеміянс-1905	61 (7)
2024—2025	Вікторыя Жыжкаў[d]	16 (13)
2025—4	Славія Прага Б[d]	0 (0)
Зборныя
2005—2006	Чэхія (да 17)[d]	18 (11)
2008—2016	Чэхія	44 (12)
2008	Чэхія (да 21)[d]	1 (0)
2009	Чэхія (да 20)[d]
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 31 сьнежня 2024.

Кар’ера

Клюбная

За «Славію» дэбютаваў у верасьні 2006 году, ва ўзросьце 17 гадоў. Празь месяц пасьля дэбюту забіў свой ​​першы гол. У 2008 годзе згуляў свой ​​першы матч у Лізе чэмпіёнаў і ў гэтым жа годзе стаў чэмпіёнам Чэхіі. У 2008 годзе на правах арэнды перайшоў у клюб «Ябланец 97». За клуб правёў 13 матчаў, забіў 5 галоў. Пасьля вяртаньня з арэнды ў першым жа матчы забіў гол. Усяго ў 2008 годзе за «Славію» Томаш правёў 16 матчаў, у якіх забіў 11 галоў. У жніўні 2008 году ЦСКА выкупіў кантракт Томаша ў праскай «Славіі». Паколькі трансфэрнае вакно ўжо было зачынена, клюбы дасягнулі дамоўленасьці аб тым, што футбаліст да канца 2008 году працягне выступаць за свой ранейшы клюб, а ў студзені 2009 году далучыцца да ЦСКА^[5]. Свой ​​першы матч за ЦСКА згуляў 7 сакавіка 2009 году ў розыгрышы Супэркубка Расеі 2009 году, дзе ён выйшаў на замену на 78-й хвіліне й забіў пераможны гол для сваёй каманды ў дадатковы час на 113-й хвіліне^[6].

Міжнародная

19 лістапада 2008 году дэбютаваў у нацыянальнай зборнай Чэхіі ў матчы адборачнага турніру да чэмпіянату сьвету 2010 году супраць зборнай Сан-Марына, гульня праходзіла на выезьдзе для чэскіх гульцоў. Нэцыд на 66-й хвіліне замяніў Марціна Фэніна й на 83-й забіў свой ​​першы гол за нацыянальную зборную, матч скончыўся зь лікам 3:0.

Дасягненьні

«Славія»:

• Чэмпіён Чэхіі: 2008, 2009
• Уладальнік Кубка Чэхіі: 2018

ЦСКА:

• Чэмпіён Расеі: 2013
• Уладальнік Кубка Расеі: 2009, 2011
• Уладальнік Супэркубка Расеі: 2009, 2013

«Зволе»:

• Уладальнік Кубка Нідэрляндаў: 2014