Томаш Пэкгарт

То́маш Пэ́кгарт (па-чэску: Tomáš Pekhart; нар. 26 траўня 1989 году, Сушыцэ, Чэхаславаччына) — чэскі футбаліст, нападнік нацыянальнай зборнай Чэхіі.

Томаш Пэкгарт
Пэрсанальная інфармацыя
Нарадзіўся	26 траўня 1989(1989-05-26)[1][2][3][…] (36 гадоў) Сушыцэ[d][4]
Рост	192 см
Вага	88 кг
Пазыцыя	нападнік
Клюбы
Гады	Клюб	Гульні (галы)¹
2008—2010	Тотэнгэм Готспур	0 (0)
2008	→ Саўтгэмптан	9 (1)
2009	→ Славія Прага	13 (5)
2010—2011	Ябланец	29 (15)
2011—2014	Нюрнбэрг	88 (18)
2011	→ Спарта Прага	9 (7)
2014—2016	Інгальштат-04	16 (0)
2016—2017	АЕК Атэны	40 (12)
2017—2018	Гапаэль Бээршэба	28 (10)
2018—2020	Ляс-Пальмас	31 (6)
2020—2022	Легія Варшава	67 (36)
2022	Газыянтэп[d]	12 (1)
2023—2025	Легія Варшава	53 (14)
Зборныя
2005—2006	Чэхія (да 17)[d]	18 (7)
2007—2009	Чэхія (да 20)[d]	12 (2)
2007—2011	Чэхія (да 21)[d]	26 (17)
2010—2022	Чэхія	26 (2)

Кар’ера

Клюбная

Ураджэнец гораду Сушыцэ, Пэкгарт навучаўся футболу ў школе гарадзкой каманды «Сушыцэ», а таксама выступаў за клюб «Клатавы». У 2003 годзе ён паступіў у акадэмію праскай «Славіі», у якой навучаўся да 2006 году. Летам 2006 году ён адправіўся ў Ангельшчыну на стажыроўку ў акадэмію каманды «Тотэнгэм Готспур»^[5]. За каманду акадэміі Томаш правёў 20 гульняў, забіўшы 19 мячоў. У рэзэрвовай камандзе ён правёў 12 гульняў, але з-за траўмы выбыў з ладу. Адзін зь ягоных галоў стаў пераможным у матчы супраць «Лянсу» ў лістападзе 2006 году.

У жніўні 2008 году Пэкгарт падпісаў кантракт з «Саўтгэмптанам», клюбам з Футбольнай лігі Ангельшчыны. Паводле гэтай дамовы, аднак, гулец выступаў на правах арэнды да студзеня 2009 году^[6]. 14 верасьня 2008 году Томаш дэбютаваў у складзе «Саўтгэмптану», выйшаўшы на замену ў матчы супраць «Кўінз Парк Рэйнджарз», які ягоная каманда прайграла зь лікам 4:1^[7]. Першы гол ён забіў у гульні супраць «Іпсўіч Таўн», давёўшы выніковы лік да 2:2. У склад «шпораў» ён вярнуўся ў студзені 2009 году й зноўку на правах арэнды адправіўся гуляць у іншы клюб, на гэты раз у родную «Славію», падпісаўшы зь ёй кантракт тэрмінам на год у самы апошні дзень трансфэрнага вакна^[8].

12 студзеня 2010 году клюб «Баўміт» падпісаў кантракт з Томашам на тры з паловай гады. Сума, выплачаная за пераход гульца, не выдавалася^[9]. Праз паўгоду Томаш адправіўся ў «Спарту» на правах арэнды.

З 1 ліпеня 2011 году Томаш зьяўляўся гульцом нямецкага клюбу «Нюрнбэрг»^[10]. 28 жніўня 2014 году гулец падпісаў трохгадовы кантракт зь нямецкім клюбам «Інгальштат-04», які выступае ў Бундэсьлізе 2^[11].

Міжнародная

Дэбютаваў у нацыянальнай зборнай Чэхіі 22 траўня ў гульні супраць зборнай Турэччыны.

Дасягненьні

АЕК:

• Уладальнік Кубка Грэцыі: 2016

«Гапаэль»:

• Чэмпіён Ізраілю: 2018

«Легія»:

• Чэмпіён Польшчы: 2020, 2021
• Уладальнік Кубка Польшчы: 2023, 2025
• Уладальнік Супэркубка Польшчы: 2023